24
-19-
241 Doka'g ka-ima to mgo dorooti no otow, doka'g koiniat to pogdumaruma kandan, 2 su ogbabantaan sikandan duon to goinawa ran to pogpasakit, woy ogmanang-nangonoy sikandan tongod to poghimu to samuk.
-20-
3 Ogkapos-ok ka baoy pinabadyo to kougsoban woy ogkadigonan sikan pinabadyo to pogsabut; 4 ogkaponu ka mgo sinabong to marodyow woy manalimboka no kaaglagan pinabadyo to katagaanan.
-21-
5 Mabogbog ka mougsob no otow, woy ogmanokal ka otow no duon katagaanan; 6 kono ka ogpakamangadyow ko waro og-anad woy kono ka ogpakaroog ko waro ogtuaro.
-22-
7 Kono ogkatogkad to angol-angol no otow ka kougsoban; waro igkakagi rin to limuranan to mgo igbudyag.
-23-
8 Ogkangaranan no masamuk ka otow no ogbabantaan to karootan. 9 Sao ka mgo angol-angol no pigbabantaan, woy ogdomotan to tibo ka taagsuy-at no otow.
-24-
10 Maintok naan ka dadyagang nu ko ogmaotoy ka to allow to koirapan.
-25-
11 Pangabangi nu ka pigganoy pohondio to kamatadyon; woy ponora nu ka mgo otow no ogka-pood-pood paroog to pogkamatoy. 12 Ko ognangon ka to “Waro koy mataga,” naan nu buwa no waro mataga ka Magboboot to maugot su og-ong-ongoran din ka goinawa to otow? Ogbabantadyan din ka tibon pog-ugpo nu no sikan ian no ogkataga sikandin to tibo. Naan nu buwa no kono din ogsulian ka tibo no pighimu to kara sagboka?
-26-
13 Anak, koona nu ka tonob, su marodyow sikan. Moomis ian ka tonob duon to dilo nu. 14 Songo moomis oggoramon to goinawa nu ka kougsoban; ko ogkakita nu sikan, duon marodyow no ogko-im-imanan nu to uromo woy kono ogkatampod ka tipouri nu.
-27-
15 Doka'g iing to dorooti no otow no oggopas to libuwasan to baoy to matuarong no otow; doka'g panakow duon to ugpaan din, 16 su agad ko ogkapood ka matuarong no otow to kapapitu og-onow sikandin oghutuk, di ogpakahibat ka dorooti no otow to koirapan no konad ogpaka-onow.
-28-
17 Doka'g kuus ko ogkapood ka usig nu; doka'g karago ko ogpakarogpak sikandin, 18 su ogkitoon ka to Magboboot woy kono ogkarago sikandin koikow woy og-iniugan din ka kabou din to usig nu.
-29-
19 Doka'g kasasow tongod to mgo dorooti no otow, woy doka'g ko-ima to pog-ugpo to mgo maroot, 20 su waro ogko-im-imanan to uromo to dorooti no otow. Ogkaparong ka ilawan to mgo maroot.
-30-
21 Anak, tahura nu ka Magboboot woy ka Hari, woy doka'g agpot to mgo maligaon no otow 22 su oglogparan sikandan to hari woy to Magboboot, woy dakol ka igkobaybadyari ran.
Duma Pad no mgo Igtuaro to mgo Mougsob
23 Duma pad no mgo igtuaro to mgo mougsob soini:
Kono'n marodyow ko duon ogparapitan nu to poghusoy. 24 Ogkatungadyawan woy ogdooton to mgo koot-otowan ka otow no ognangon duon to nakasao “Waro sao nu.” 25 Di marodyow ka ogdatong duon to otow no ognangon no nakasao ka nakasao; dakol ka pogbolig no oglopow kandin. 26 Unawa to harok ka kamaugotan no tabak.
27 Hipongaa nu pa panoy ka tarabau nu duon to kamot woy kad on ogpos-ok to baoy nu. 28 Doka'g pamaugot no nakasao ka songo baoy nu ko waro, woy doka'g gawoy pinabadyo to kagi nu. 29 Doka'g nangon duon to goinawa nu “Ogsulian ku sikandin to pighimu rin koddi odyow no ogpokog-unug koy.”
30 Pigligaran ku ka kamot to poguon no otow, woy pigligaran ku ka pinamua-an to otow no waro marodyow no pogdoromdom; 31 moon-ing on ka mgo dugi no nigtulin, nigmantulin ka lagut to tibon tano, woy nagugus on ka aad no batu. 32 Nigdoromdom a duon to goinawa ku to nakita ku, woy duon in-anad ku puun to nakita ku: 33 Oghirogo ka to doisok, oghimooy ka to maupot, ogpangadyopkop ka ro to dagdagow to poghimooy 34 woy oglopowan ka to pogkawaroi unawa to poglopow to takawon no ogtinugpu.