17
1 Madmarodyow ko mundu do ka ogkoonon ko duon maawang no goinawa, woy ko duon pogkoonan to baoy no naponu to pogpo-og-ogotoy.
2 Ogkohimu no igbudyag to makasisipod no anak ka mougsob no suguanon, woy ogpakalagkos sikandin to pogpanugun-tugun duma to mgo anak to igbudyag din.
3 Ogko-ol-oogan ka karodyowan to bulawan woy plata pinabadyo to hapuy, di ka Magboboot ian ka og-ol-oog to goinawa to otow.
4 Ogpamminogon to dorooti no otow ka mgo maroot no kinagian, woy ogpamminogon to ubaton no otow ka mgo kinagian no ogpakagawoy.
5 Unawa't pigsamilian ka Magboboot to otow no ogsuy-at to mgo otow no nawaraan su pighimu sikandan to Magboboot; kono ogpakabutuas to logpad ka otow no ogkarago to pogpitow to igkobaybadyari to duma.
6 Igkabantug to mgo budyag ka mgo apu dan, woy songo igkabantug to mgo anak ka mgo amoy woy inoy ran.
7 Maroot pamminogon ka ogparakol-dakol no mgo kinagian duon to bobo to angol-angol no otow; labow pad no maroot ka mgo ubat duon to igbudyag.
8 Unawa't tagonlomu ka igbogoy duon to pogdoromdom to nigbogoy su agad hondoi sikandin ogdoog, ogpakatood sikandin.
9 Ogpatulin to marodyow no goinawa ka otow no ogbunbun to sao, di ogpakaluat to mgo aukoy ka otow no ogpatangkap to sikan no sao.
10 Kono ogkatul-id ka angol-angol no otow agad ko ogkabarasan to songo gatus no lampos, di ogka-anad ka mougsob no otow agad ko ogsaparan do.
11 Pog-atu ro ian ka tuud to dorooti no otow; no sikan ian ogkapa-aapan sikandin to taagnangon no waro koid-u.
12 Madmarodyow ko ogpakatomu ka to mabuut no magintaunanano pig-agowan to mgo anak din, woy to pogtomu nu to angol-angol no otow no nighimu to inkaangoi rin.
13 Ko ogsulian nu to maroot ka marodyow, kono ogka-awo ka karootan to lunggunan nu taman to katamanan.
14 Ka pogbunsud to pog-ogot unawa to poghuwang to tambon no konad ogpakalibong ka woig; no sikan ian, hagtong ka ro odyow kono ogkabunsuran ka kasamuk.
15 Ogkabou ka Magboboot ko ogkalokaan ka nakasao, woy songo ogkabou sikandin ko ogpasao-on ka waro makasao.
16 Waro puus to saapi duon to boad to angol-angol no otow, su kono ogkoiniat sikandin to poggamit to sikan pogpurut to kougsoban.
17 Agad nokoy ka oglopow, ogpalinggaat ka marodyow no goinawa to maugot no aukoy, woy pighimu ka suod odyow to pogbulig to koirapan.
18 Waro marodyow no pogsabut to otow no og-abin to utang to duma no ogpangulibot no ogbadyaran din.
19 Sao naan ka ogkoiniatan to otow no ogkoiniat to pog-atu. Nigpamangho to ogkagugus to pog-ugpo ka otow no ogparakol-dakol.b
20 Kono ogtulin ka otow no ogsuwoy-suwoy to goinawa; ogkalopowan to igkobaybadyari ka otow no ubaton.
21 Igmasakit to goinawa ka anak no waro aporu, woy waro karago to amoy to angol-angol no anak.
22 Unawa to marodyow no tambal ka karago to goinawa, di puunan to dau ka nigtawad no goinawa.
23 Ogtinawoon to dorooti no otow ka hinoos no saapi odyow to poghutuk to litos no husoy.
24 Ungud ogpamitow to kougsoban ka otow no duon marodyow no pogsabut, di ungud oghalin-halin ka pogpitow to mgo mata to angol-angol no otow.
25 Igmasakit to goinawa ka ighatod to anak no angol-angol duon to amoy rin woy lagboy no igmasakit duon to inoy rin.
26 Kono'n marodyow ko oglogparan ka otow no waro makasao, woy maroot ko ogbarasan ka mgo duon katondanan tongod to poghimu ran to litos.
27 Ogponoron to mougsob no otow ka mgo kinagian din, woy kono ogmagaan ogkabou ka otow no duon pogsabut.
28 Agad ka angol-angol no otow ogdoromdomon no mougsob ko waro kagi rin, woy ogdoromdomon sikandin no marodyow to pogsabut ko ogponoron din ka dilo din.