Sidìq Byî É Hkyô
2
Haû mù luî, ngá-nhúng gi, châng nghoq ló byùq é a hui zo sháng gàq, haû ngá-nhúng wó gyô yu to bê hkyô lé je riyhang rago châng nyì râ dùt lhê. 2 Hkâsu mù gâ le, maumang lagyô pê èq taí bê mungdang gi, gîng nyì mù, shut shaî lu laî é hkyô eq jì-no a gyô é hkyô hkangmó kut é sû gi, yhûmsîng eq gíng é mara dam byî é hui zo kô é nghut le gi, 3 ngá-nhúng gi, haû í yhang gyaú é hkyi yù hkyô lé haî su a ngàm kut é nghut jáng, ngá-nhúng hkâsu wó hpang lùt râ lhú? Hkyi yù hkyô haû gi, haû Yhûmsing èq hí taî pyo htoq é nghut mù, Yhâng chyáng mai wó gyô yu é bang gi, haú hkyô têng é lé, ngá-mòq chyáng sàksé shit bekô nghut ri. 4 Garai Gasang le, alhô agàn pé, maúhpo múzó pé, làklaí alhô agàn myo myo eq, Yhang ô nau é eq rajung za Chyoiyúng Sô chyûnghuq pé lé gàm byî é dông mai, haú hkyô lé sàksé shit bê nghut ri.Hkyi Yù Hkyô Hpóng Byi Sû
5 Garai Gasang gi, maumang lagyô pé lé, ngá-mòq taî nyi é jé lô râ mingkan lé, ùphkâng nhâng râ a nghut. 6 Rayùq yùq mai, rawò má sàksé hkâm tô é gi,
“Byù gi, haî wá nghut mù, Nàng, yhang lé bûn nyi lhê lhú?
Byu Yhangzo gi, haî wá nghut mù, Nàng, yhang lé wú gôn nyi lhê lhú?
7 Nàng gi, yhang lé, maumang lagyô pê htoq ra-tsuí lhoqnyhum to bê nghut ri.
Nàng gi, yhang lé, hpungwup shingkang bò nhang é eq xânghpoq nge wó nhâng mù,
8 jung hkangmó lé, yhâng é hkyîwa ô má tô to bê nghut ri.”a
gâ ri. Jung hkangmó lé yhâng é a‑ô má tô to bê gâ é gi, Garai Gasang, haî lháng a myhit to loshoq yhang ùphkang é a‑ô má tô to bê nghut é lé gâ lhê. Nghut kôlhang, yhâng é a‑ô má tô tô é jung hkangmó lé, ahkuî, ngá-nhúng a myàng shî é za nghut lhê. 9 Nghut kôlhang, ngá-nhúng gi, maumang lagyô pê htoq ra-tsuí zo lhoqnyhûm huî é sû Yesuq lé myang é nghut lhê. Yhang gi, Garai Gasâng jeju mai, yùq hkangmó é matú shî hkám byî é hui zo sháng gàq ga, shî‑nò jamjau hkyô lé hkâm zo bê nghut é yánmai, ahkuî, Yhang lé hpungwup shingkang bò nhang é eq xânghpoq nge wó nhâng bê nghut ri.
10 Zo wuî myo myo lé hpungwup shingkang wó hkam yù nhâng sháng gàq ga, jung hkangmó lé Yhâng é matú chyat eq Yhang dông mai chyat jòq nyì nhang é Garai Gasang gi, wuîhke jamjau huí nhang é dông, yhángmòq é hkyi yù Sû lé lhoq gúmjùp byi râ matú htuk âng nyi ri. 11 Haû byu pé lé chyoiyúng nhang é Sû eq lhoq chyoiyúng huî é bang gi, i-kun ralhum za mâ é bang chyat nghut lhê. Haû mù, Yesuq gi, yhángmòq lé, gu-mang wuì nghû râ lé a hoq é nghut lhê.
12 “Ngò gi, Náng myîng lé, Ngá é gu-mang wui chyáng taî pyô râ nghut lhê;
Ngò gi, shiwa hpông é myòq hí má, Nang lé hkya-on mahkôn hkôn râ nghut lhê.”b
“Ngò gi, Yhang lé lùmhkau nyì râ nghut lhê.”c
ga le dum taî ri. Hau htoq agó,
“Ngò gi, Garai Gasang ngo lé byî é zoshâng wuì eq shî má nyi nyi lhê.”d
ga, Yhang dum taî ri.
14 Haû zoshâng wuì gi, sui sho eq nghut é yánmai, Yhang le, yhángmòq é xângzo gùng bo hkam yù bê nghut ri. Hau é yánmai, Yhang gi, Yhâng é shî‑nò hkyô dông mai, shî‑nò hkyo é a-tsam lé zuî zing é sû nghut é nàt Tsádán lé wó lhoqhtên pyám râ eq, 15 yhángmòq é shî‑nò hkyô lé gyùq é èq, yhángmòq é chyungxe gón lé jùn dông zuî zing to huî é bang lé, wó lhoqlhut râ nghut lhê. 16 Gè gè yhang, Yhang gi, maumang lagyô pé lé garúm é a nghut é za, Abraham é awùt ashîn pé lé garúm é shèq ru nghut lhê. 17 Haû nghut é yánmai, Yhang gi, Garai Gasang lé dójaú é má shogyo nhikmyîn é eq lhumzuî é hkyangjong mó wó dùt râ eq, byu pê é yubàk marâ é matú shîhtaí gùnglik hkungga wó kut râ matú, hkyô hkangmó má Yhâng é gu-mang wuì eq dù shoq kut byî é hui râ dùt é nghut lhê. 18 Yhang gi, gúnglaú huî é hkûn, Yhânggùng yhang jamjau hui zo bê nghut é yánmai, gúnglaú huî nyi é bang lé wó garúm yu é nghut lhê.