Hkrisidùq Má Chyungxe Dui É Hkyô
2
Laî ló bê hkûn, núngmòq gi, târâ lu laî é eq mara kut shut é hkyô pê é yánmai, shi tô é bang dùt kô é nghut lhê. 2 Haú hkûn, núngmòq gi, mingkan ngón hkyô pé má lhaq châng nyì kô é htoq agó, haû târâ a cháng bâng é myìt má ahkuî mû zuî nyi é sôbyô nghut é, maulat lé ùp sû htâng châng nyì kô é bang nghut lhê. 3 Ngá-nhúng bànshoq bang le, yhángmòq su kut nyi laî lo é bang chyat nghut mù, yubàk mara byíng é suisho ô naù gadaú hkyô má nyi é bang nghut é htoq agó, gùngsho ô nau é hkyô pé eq myìt é hkyô pé dông za châng wú é bang nghut lhê. Haû mù, góbang eq rajung za, ngá-nhúng gi, Garai Gasâng é nhikmó-yo hkyô eq gíngdán wú é bang chyat nghut lhê. 4 Nghut kôlhang, shogyo nhikmyin myìt gyaí bo é Garai Gasang gi, ngá-nhúng, târâ lu lai luî shi byùq bê bang dùt kôlhang, Yhâng é chyitdàp myìt mó èq, ngá-nhúng lé chyitdàp luî, Hkrisidùq eq rahá chyungxe duì nhâng bê nghut ri. 5 Haû mù, núngmòq gi, Garaî jejû èq za hkyi yu é hui bekô nghut ri. 6 Garai Gasang gi, Hkrisidùq Yesuq má, ngá-nhúng lé, Yhâng é ge é hkyô shit bê nghut mù, a ung taî é Yhâng é jeju lé, htang pyàt má wó shit sháng gàq ga, 7 ngá-nhúng lé, Hkrisidùq eq rahá lhoqdui toq yû mù, mauhkûng htoq tsáng myhâng má, Yhang eq rahá zùng nhang to bê nghut ri. 8 Hkâsu mù gâ le, núngmòq gi, lùmjíng é dông mai Garaî jejû èq za hkyi yu é hui bekô nghut ri. Haû gi, núngmòq chyáng mâ é a nghut, Garai Gasâng jeju chyûnghuq za ru nghut lhê. 9 Haû gi, yhûmsing é múzó mai wó é a nghut é yánmai, ó yùq le nghutbun râ hkyô a jòq. 10 Hkâsu mù gâ le, ngá-nhúng gi, Garai Gasâng é lòqmú pé nghut mù, ngá-nhúng zui saí râ matú, hí hí mai, Garai Gasang hen lajâng tô é ge é múzó pé lé zui saí râ matú, Hkrisidùq Yesuq má hpan to hui bê bang nghut lhê.Hkrisidùq Má Rading Ralhum
11 Haû mù luî, núngmòq gi, hí hkûn, hku lé lo é mai yhang tûngbaù pé nghut é hkyô lé le, byu lòq èq za gùngsho má kut é, “ahpyo-kuq hpyit hkâm bang” gâ é bang mai, núngmòq lé, “ahpyo-kuq hpyit a hkâm bang” ga byi kô é hkyô lé le, myìtbun keq. 12 Haú u lé, núngmòq gi, Hkrisidùq eq gâng lhûm tô é bang; Isira-elaq mingbyû a nghut é bang; danghtum htûm tô é eq sêng é dangshikaq pé má gó-ming byù nghut é bang; mingkan htoq má, myòqbyù jowò a jòq é eq Garai a wó é bang nghut é lé, myìtbun keq. 13 Núngmòq gi, hí hkûn wê gâng nyi é bang nghut kôlhang, ahkuî kúm, Hkrisidùq é sui dông mai Hkrisidùq Yesuq má shuî chyâng htèp é hui bekô nghut ri.
14 Hkâsu mù gâ le, Yhânggùng yhang gi, ngá-nhûng é nguì ngón hkyô nghut ri. Yhang gi, gyoro má kyo tô é madin nghut é a naù a wom hkyô lé hpyoq hpyi pyám byi luî, haû í myûa dùt nyi é lé, rahú za dùt nhâng bê nghut ri. 15 Haû hkunmó pé eq hkang tô é târâ pé bo é jep é târâ lé, Yhâng é gùngsho má lhoqhtûm pyám bê nghut ri. Haû mù, Yhang ô nau é hkyô gi, haû í myû dùt tô é lé, Yhânggùng má yhang, byù sik ra-myû za hpan to râ matú nghut ri; haú dông, nguì ngón yùqyò hkyô kut byi bê nghut ri. 16 Yhang gi, a naù a wôm lhûm é hkyô lé, haû tapzîng má lhoqhtûm pyám byi mù, haû tapzîng dông mai, byù myû í myu é lé ragùng za kut luî, Garai Gasang eq xoq byi bê nghut ri. 17 Yhang gi, wê gâng nyi é bangb núngmòq lé le, chyâng htèp nyi é bangc lé le, nguì ngón yùqyò hkyo é danglù lé hko kyo bê nghut ri. 18 Hkâsu mù gâ le, ngá-nhúng í myû gi, Yhang dông mai, Sô ralhum zâ èq, haû Îwâ chyáng wàng râ hkyô dong bê nghut ri.
19 Hau é yánmai, núngmòq gi, tûngbaù pé eq byù bíng pé a nghut lô é za, Garaî é byu pé eq rahá, mingbyû wuì eq yhûmbyù wuì chyat nghut bekô nghut luî, 20 haû lagyô pé eq myìqhtoî pé, hi tô é a-pûn awang htoq má xuq tô é bang chyat nghut akô; Hkrisidùq Yesuq yhang, haú mâ é ahkyàk é htúngchyûn lùqgòk dùt bê nghut ri. 21 Yhang má, wahpang lhum gón xoq lhûm bùm é nghut mù, haû Yhûmsîng má chyoiyúng noqkuq yhûm ralhum dùt lò bê nghut ri. 22 Sô dông mai, Garai Gasang nyì râ jang dùt râ matú, núngmòq le, Yhang má, wahpang su tsuq é chôm huî nyi bùm bekô nghut ri.