Ashop É Dông Gùngsho Zùm Yàp É Hkyô Kut É Sû Lé Lhoqhtoq Pyám Râ Hkyô
5
Núngmòq chyáng, ashop é dông gùngsho zùm yàp é hkyô jòq é lé, hkyak taî hû lò bekô; haû gi, a lùmjíng bâng chyáng lháng a dùt wú é hkyô nghut é, yùqgè rayùq gi, yhâng wâ é myiwe eq nyì zô lhûm nyi é hkyô nghut ri. 2 Nghut kôle, núngmòq gi, nghutbûn nyi bum akô nhung! Haú dông a nghut é za, núngmòq gi, yón é myìt tûn shit mù, haú su kut é byù lé, núngmòq é hpúng mai lhoqhtoq pyâm le, a gè kó lhú? 3 Ngò gi, ngá gùngdu, núngmòq eq rahá a nyi to kôlhang, ngá é i-myìt gi, núngmòq eq rahá nghut nyî luî, gùngdu jé nyi tô é dông mai, haú hkyô kut é sû lé jéyáng dòqdan gù nghut lhê. 4 Núngmòq gi, ngá-nhûng é Yhûmsîng Yesuq é myìng mai zùp zing mù, ngá é i-myìt gi, núngmòq eq rahá nghut nyî luî, ngá-nhûng é Yhûmsîng Yesuq é a-tsam le, núngmòq eq rahá nghut nyi é hkûn, 5 byù haú yùq lé, Tsádán é lòq má àp byî pyám keq.a Haû jáng, Yhûmsing é buìnyì má, yhâng é sô gi, hkyi yu é hui râ matú, yhâng é yubàk gùngsho gi, lhoqhtên pyâm é hui râ nghut lhê.6 Núngmòq é nghutbun hkyô gi, ge é a nghut. Múnb ra tsuí zo gi, mùk long gón lé wó lhoqdau nhang é lé, núngmòq a sé kó lhú? 7 Núngmòq gi, múnchi a bo é bang nghut nyî kô é eq rajung za, múnchi a bo é mùk htung asik su wó dùt kô sháng gàq, múnchi axau lé lhuî pyám keq. Hkâsu mù gâ le, ngá-nhûng é Lhoqlhai Poî sau zo, Hkrisidùq gi, hkungga nhong é hui bê nghut lhê. 8 Haû mù luî, ngá-nhúng gi, agè agaú hkyô eq hpuzo nhâng hkyô nghut é múnchi axau bo é dông a nghut é za, lhumzui hkyô eq tengmán hkyo é mùk nghut é, múnchi a bo é mùk èq, Poî haú lé kut nyî sháng.
9 Ashop é dông gùngsho zùm yàp é bang eq hkâzûm kó nghû, ngò, núngmòq lé, ngá é laiká má kâ kat byi bê nghut lhê. 10 Nghut kôlhang, mingkan shî eq sêng é, ashop é dông gùngsho zùm yàp é bang, myòqnòq é bang, mhaú zô é bang eq hparà noq é bang lé hkâzûm yàp kó nghu é gi, a nghut. Haû su ru nghut le gi, mingkan htoq shî mai núngmòq htoq ló byùq ra kôrâ nghut lhê. 11 Nghut kôlhang, yhânggùng yhang gi, gu-mang ga kôle, ashop é dông gùngsho zùm yàp é, myòqnòq é, hparà noq é, lùmù gànsang é, î shuq wùt é, mhaú zô é sû ó yùq eq le a ge zùm yàp kôrâ nghut lhê nghû, ahkuî, ngò, núngmòq lé kâ kat nau é nghut lhê. Haû sû é byù eq gi, rahá lháng hkâzo kó.
12 Haû noqkuq hpúng shinggan mâ é bang lé jéyáng râ gi, ngò eq haî sêng lhê lhú? Nghut kôlhang, hpúng ahkaû mâ é bang lé núngmòq jéyáng râ dùt lhê. 13 Hpúng shinggan mâ é bang lé gi, Garai Gasang jéyáng râ nghut lhê. Nghut kôlhang, “Haû agè agaú é sû lé, núngmòq chyáng mai lhoqhtoq pyám keq.”c gâ tô ri.