16
Sau zô pé lé, haú mau lé ùp su é matú,Sela wà mai, yòso laî byìt luî,
Zi-un Byìzô é bùm má dé byî kat keq.
2 Nghoqsut mai hkat htoq kat é hui luî,
dâng yôn wún é nghoq pé su,
Moba mâ é myiwe wuì gi,
Arinon wuì yàm pé má nyi jón wún kôrâ nghut lhê.
3 Moba gi, “Hpàqchyî byi aq;
jéyáng byi aq.
Nyí gûng má, náng é wùpzo lé,
myín su ùpzúng to nhâng àq.
Hkat htoq pyâm é hui bang lé haq to mù,
wó nyi myìt gyó tô é bang lé hkâ lhoqhtoq shit.
4 Moba mâ é hkat htoq pyám huî é bang gi, nàng eq rahá nyì kó sháng gàq;
nàng gi, lhoqhten lhoqhpyoq su é hí má, yhángmòq é nghêhkaû jowò dùt sháng gàq.” ga taî ri.
Zìk zo zìk shuq sû gi, htûm byùq râ nghut mù,
lhoqhten lhoqhpyoq hkyô gi, zîm byùq râ nghut lhê;
byù lé nâng zìk zo sû gi, haú mau mai lhoqhtên pyâm é hui râ nghut lhê.
5 Haú hkûn, chyitdàp myìt mai hkóhkâm tángmyhâng ralhum xuq to râ nghut lhê;
Dawiq é yhûm mâ é rayùq gi,
jujúm hkyô mai haú má zùng râ nghut lhê;
yhang gi, târâ jéyáng é hkûn târâ ràp-rá hkyô hô mù,
tengmán é dông hân hân mû hpyit râ nghut lhê.
6 Ngá-mòq gi, Moba byu pé nghutbûn é hkyô lé wó gyo bê nghut lhê;
gyai yhang gyáng dang taî akô myhî-nhung!
Yhang gyáng dang taî é, nghutbûn é eq nhikjum yô é gi,
gyai ga kôlhang, akôm za nghut byùq ri.
7 Haû mù luî, Moba byu pé gi, yón ngau bùm kô é nghut mù,
yhángmòq gi, rahá za kut Moba é matú yón ngau bum akô nghut ri.
Yhángmòq gi, Kira Hareset mâ é tsibyiq shi kyuq long lé myìt tuî é yánmai,
ngaùhkyang sâng mù, yón kuq kôrâ nghut lhê.
8 Hkâsu mù gâ le, Heshibon mâ é yò pé eq,
Sipma mâ é tsibyiq nuî gi, nyhuî kyuq byùq bê nghut ri.
Haû a-myû wuì lé ùp é bang gi,
Yazera jowò jé shoq nui wú mù,
yòso shut nui hkyam ló é,
je ge é tsibyiq nuî lé nâng pyeq pyám bekô nghut ri.
Haú pê é a-nyùq pé gi,
nhônga jé shoq nui dán ló akô nghut ri.
9 Haû mù, ngò le, Yazera bang su,
Sipma é tsibyiq nuî pê é yánmai ngau é nghut lhê.
Heshibon eq Ele-ale ê,
ngò gi, nang lé, ngaùbyi hut gyun râ nghut lhê!
Hkâsu mù gâ le, nàng, ashi myang hpyoq luî, gabú garû é htê eq
nàng, kyô myang shu luî, gabú garû é htê pé gi, zîm byùq bê nghut ri.
10 Yò gè pé mâ é gabú nguì ngón hkyô a jòq lo;
tsibyiq hkyâm má mahkôn hkon é eq gabú garû é htê a jòq lo;
tsibyiq wing pyik jang má tsibyiq wing pyik é byù a nyì lo nghut ri;
hkâsu mù gâ le, gabú garu htê lé, ngò, lhoqzîm pyám bê nghut lhê.
11 Ngá é i-myìt nhiklhum gi, Moba é matú,
ngá é i-myìt ûnghkaû gi, Kira Hareset é matú, tíng htê pé su ngaùhkyang sang nyi ri.
12 Moba byu pé gi, yhángmòq é myhang é jowò má htoq shit kôle,
yhûmsing gùng za lhoqngú pyâm akô;
yhángmòq gi, yhángmòq é hparà zòng lé kyûdung kôle,
haî a wó dùt kó nghut ri.
13 Shí pé gi, Moba eq séng luî, haû Yhûmsîng Garai taî to lùgù nghut bê nghut ri. 14 Nghut kôlhang, haû Yhûmsîng Garai gi, ahkuî, “Duìnhâng zoshâng nghô yu tô é ahkyíng nghap é su, sum zân gyoro má, Moba é xânghpoq nge wó hkyô eq yhâng é byu pé myo mî-myo gi, wú tiq pyâm é hui mù, yhâng é nyi myìt tô é bang gi, gyai shaû byùq é htoq agó, a-nyhui ashui dùt byùq kôrâ nghut lhê.” ga taî ri.