6
Ngò gi, buì ô má jòq é agè ashop hkyô rahkat lé myang ri; haû gi, waxâng zô wui é matú wòlai mó nghut ri. 2 Garai Gasang gi, byù ra-am lé, yhángmòq myìt ô nau é haî le a langhpyùt kó sháng gàq ga, sùtzè, yhûm yò eq xânghpoq nge wó hkyô lé byî ri; nghut kôlhang, Garai Gasang gi, yhángmòq lé, haú pé má wó gabú râ hkyô a htong byi kut é nghut mù, byù bíng pé shèq haú pé má myang gabú akô nghut ri. Haû gi, akôm za nghut byùq mù, gyai yhang agè ashop é hkyô nghut ri.3 Byù gi, myáng myáng chyungxe duì mù, zodù rashô yùq wó kôlhang, yhâng é sùtzè pé mai nyì ngón yùqyò é hkyô a wó mù, myhup yhûm pyâm é le a huî é za shi ló byùq é nghut jáng, nbyá zo gi, haú yùq htoq rû ge ashî nghut ri. 4 Hkâsu mù gâ le, nbyá gi, lichyúm a htoq é za hku lé lô mù, mauchut hkaû shut laî ló byùq luî, yhâng é myìng gi, mauchut èq nghop pyâm hpyuq bê nghut ri. 5 Yhang gi, buì lé hkâ-nhám le a myang é htoq agó, haî lé le a sé kôlhang, haú yùq htoq je riyhang myang bánnô é nghut ri. 6 Haú yùq gi, zànwut rahkyîng wó tsúm shoq chyungxe duì kôlhang, yhâng é sùtzè má a myang nyì ngón yùqyo nghut ri. Lhúnglhâng bang gi, jowò rawò má za ló é chyat nghut lhê, a nghut lhí?
7 Yùq hkangmó zui saî shi-kùt é gi, nhut é matú chyat nghut ri;
nghut kôlhang, zô nau é myìt gi, hkâ-nhám le ru jâng bo nyi ri.
8 Haû jáng, hpàqchyî bò sû gi, byù ngok htoq má haî a-kyû je bo ri lhú?
Byù góbang eq ge zùm yàp sê é asho awuî é sû gi,
haî a-kyû myang yu ri lhú?
9 Yhûmsing myòq èq yhang myang é gi,
myòqnòq myìt htoq je ge ri.
Haû le, akôm za nghut byùq mù,
laì lé châng hkat é za dùt byùq ri.
10 Jòq tô é pé lé, myìng myhîng to byi gù nghut bê;
byù haî nghut é lé, hí mai sê to gù nghut bê;
yhûmsing htoq wúm bo é sû lé,
ó yùq le a wó htuqhtîng é nghut lhê.
11 Dang myo jáng, lichyúm shaû htoq é nghut mù,
haû gi, byu é matú hai a-kyû bò râ lhú?
12 Byù gi, razùp zâ é, yhâng é i-pyàt buìnyì pé má akôm za nyi pyám mù, wùpzo su laî ló é nghut jáng, yhâng é matú ge é hkyô haî nghut é lé, ó yùq wó sé râ lhú? Yhang ló byùq é htâng má, buì ô má haî dùt lô râ nghut é hkyô, yhang lé ó yùq wó taî kyo râ lhú?