Garai Gasang Lé Dakâm Danghtum Htûm Tô É Lé Cháng Râ É Hkyô
5
Garai Gasâng é yhûm má e é hkûn, náng é hkyîbyè lé sidìq àq. Hkâsu mù gâ le, gyô yû râ matú huî e é gi, ngòk é bang hkungga nhông byî é htoq je ge ri; yhángmòq gi, yhûmsîng kut shut é mara lé a bun kó nghut ri.2 Garai Gasâng é hí má dang taí râ matú,
náng é nhuthkum lé hkâhan hpóng,
náng é i-myìt hkâhan tsû.
Garai Gasang gi, mauhkûng má nghut nyi ri;
nàng kúm gi, myìdàm htoq má nghut nyi ri;
haû mù, dang myo myo hkâtaí.
3 Myìt wui myìt hke hkyô myo jáng, yhupmòq myang ri;
dang myô taî é gi, ngòk é hkyô lé tûn shit ri.
4 Garai Gasang lé nàng dakâm danghtum htûm to bê nghut jáng, hkyak lhoqdìk àq. Yhang gi, ngòk é bang lé a ngui é nghut lhê. Nàng dakâm danghtum htûm tô é lé lhoqdìk àq. 5 Dakâm danghtum htûm to luî a lhoqdìk é htoq má, dakâm danghtum a htûm tô é gi, je ge ri. 6 Náng é nhut gi, náng é gùngsho lé mara hkâkut shut nhâng; “Ngò dakâm danghtum htûm shut bê.” nghû noqkuq yhûm mâ é lagyô é hí má hkâtaî htoq. Haî mù, Garai Gasang gi, nàng taî é lé nhikjum yo luî, náng é lòqmú pé lé lhoqhtên pyám byi râ lhú? 7 Yhupmòq myo myo myang é eq dang myo myo taî é gi, akôm za nghut byùq ri. Haû mù, Garai Gasang lé gyùq hkúngga aq.
Sùtzè Wó É Le Akôm Za Nghut Byùq É Hkyô
8 Mau túm pé má asho awuî é bang zìk zo zìk shuq é hui mù, târâ ràp-rá hkyô eq díngmán hkyô lé he-ngìk pyám kô é lé, nàng myàng jáng, hkâ-maú dân; hkâsu mù gâ le, zau rayùq lé gi, yhâng htoq je kô é zau rayùq èq wú nyi é nghut mù, yhángnhik lé gi, yhángnhik htoq je kô é zaú wui èq wú nyi ashî nghut lhê. 9 Hau htoq agó, myigùng mai htoq é a-kyû gi, lhúnglhâng bâng é nghut mù, hkóhkâm hpó lháng yò pé mai htoq é a-myàt pé lé myang yu nyi ri.
10 Ngùn myòqnòq é sû gi, hkâ-nhám le ngùn gé lùq é a nghut;
sùtzè lé myòqnòq é sû gi, sùtzè wang nyì kôlhang, hkâ-nhám le nhik dìk é a nghut.
Haû le, akôm za nghut byùq ri.
11 Sùtzè myô lò jáng, zô pyám bang le myô lo ri.
Sùtzè yhûmsîng gi, myòq èq byu wú nyi é a-kyû za myang hkam yu é mai lai luî,
gótû hai a-kyû myang hkam yù râ lhú?
12 Mú zui saî shi-kùt é sû gi, ra-tsuí za zo kôlhang,
myo shoq zo kôlhang, yhup ngón nyi ri;
nghut kôlhang, sùtzè wó su é agùn agó sùtzè gi,
yhang lé yhup jáng jáng nhang ri.
13 Ngò gi, buì ô má agè ashop dik é hkyô rahkat jòq é lé myang ri;
haû gi, sùtzè yhûmsîng rayùq,
yhûmsing gùng yhûmsîng lhoqhtên pyám râ matú sùtzè hkong é hkyô nghut ri.
14 Yhang gi, byò dàn byò sho hui mù, sùtzè pé lé lhoq hpyuq pyám luî,
yhang zodù wó é hkûn, haú bang sing yù râ silî wunlî haî le
a wó myhit to byi nghut ri.
15 Yùq hkangmó gi, înû ûnghkaû mai gùngchîn hku lé lo é su,
gùngchîn dum htoq ló byùq râ nghut lhê.
Yhang gi, yhang zui saî shi-kùt é mai,
haî le yhâng é lòq má a wó yu chûng nghut ri.
16 Yùq hkangmó gi, hku lé lo é su,
htoq ló byùq râ nghut lhê;
haû gi, gyai yhang agè ashop é hkyô nghut ri;
yhang gi, lai é matú zui saî shi-kùt é ru nghut é yánmai,
yhâng é matú hai a-kyû htoq râ lhú?
17 Yhâng é i-pyàt buìnyì má, yhang gi, myìt myo ûng wôm é, no hpuzô é eq nhikjum yô é huî nyì mù,
mauchut hkaû má zo shuq nyi ri.
18 Ge ri nghû ngò byu myang é rahkat gi, byù rayùq é matú, Garai Gasang mai yhang lé byî tô é chyungxe i-pyàt ratot zo má, buì ô má zui saî shi-kùt é mai, nyì ngón yùqyo nyì mù, zo zo shuq shuq kut le, jé htuk é hkyô nghut ri; hkâsu mù gâ le, haû gi, yhâng é chyungxe gàmbùm nghut ri. 19 Hau htoq agó, rayùq yùq lé, Garai Gasâng èq sùtzè byi mù, yhûm yò lé sîng nhâng luî, haú pé má myang gabú nhâng mù, yhûmsing é gàmbùm myang hàp yù luî, yhang zui saî shi-kùt é má, yhang myang gabú é nghut jáng, haû gi, Garai Gasâng é chyûnghuq nghut ri. 20 Garai Gasang gi, yhang lé gabú é i-myìt kat byî é nghut mù, yhang gi, yhâng é i-pyàt buìnyì pé lé a lûm myìt wú nghut ri.