Agura É Sângdang
30
Yake é yhang zo Agura é myhîhpô dang gi,
myìqhtoi dang shî nghut lhê;
Garai Gasang ê,
ngò gi,
ngú nyi ri;
Garai Gasang ê,
ngú shi ló nyi ri.
2 Ngò gi,
byu pé bànshoq htoq má,
je yhang bâm é sû nghut lhê;
byu é sê gyô é u-nuq ngò a wó.
3 Ngò gi,
hpàqchyî byéng-yá a mhoq yu wú é htoq agó,
haû Chyoiyúng Su é hpàqchyî le a wó.
4 Mauhkûng má dòq ló mù,
dum taû gyó lo é sû gi,
ó wá nghut lhê lhú?
Yhûmsing é lòq èq laì lé wó tsup zing tô é sû gi,
ó wá nghut lhê lhú?
Yhûmsing é buhîng má wuì lé wó dóm kat tô é sû gi,
ó wá nghut lhê lhú?
Maumyî chyûn pé lé xuq tô é sû gi,
ó wá nghut lhê lhú?
Yhâng é myìng eq yhang zô é myìng gi,
haî gâ lhê lhú?
Nàng sê é nghut jáng,
taî kyô wú aq.
5 Garai Gasâng é danghkun hkangmó gi,
ra a bo é nghut lhê;
Yhang gi,
Yhang lé nghêhkaû bâng é matú,
gòlong nghut nyi ri.
6 Yhâng é dang pé má hkâjàt kat;
jàt kat jáng,
Yhang gi,
nang lé tan mù,
nàng byù mhaú nghut é lé,
sàksé shit râ nghut lhê.
7 Yhûmsîng Garai ê,
ngò,
Nang lé í jâ dung bá;
ngò a shî shi-má,
ngo lé hkâlhom he-ngìk pyám.
8 A têng é hkyô eq mhaû é dang lé,
ngá chyáng mai wê gang nhâng àq;
ngo lé,
asho awui le hkâdùt nhâng,
wó sû le hkâdùt nhâng;
nyí wui lhê é zoshuq kúm gi,
ngo lé byi laq.
9 Haû a nghut jáng,
ngò gi,
lûm wó luî,
“Haû Yhûmsîng Garai gi,
ó wá nghut lhê?”
nghû,
Nang lé he-ngìk pyâm é le,
ngò gi,
myung byùq luî,
hkat hkau mù,
ngá é Garai Gasâng é myìng lé a hkúnggâ é le,
dùt byùq âbe.
10 Haû yhûmsing é hí má,
duìnhâng zoshâng lé lù hkâmû;
lùmù jáng,
yhang gi,
nang lé nhing luî,
nàng gi,
mara bò sû dùt byùq râ nghut lhê.
11 Byù ra-am gi,
yhángmòq é yhâng wâ pé lé nhing mù,
yhángmòq é yhâng nû pé lé a shimân byi kó nghut ri.
12 Haú bang gi,
yhûmsing gùng yhûmsîng
sanséng bun kôlhang,
yhángmòq é achaq achyut hkyô lé,
a chî sân pyám shi kó nghut ri.
13 Haú bang gi,
myìt myhâng nghutbun kômù,
yhángmòq é myòqkuq mai,
góbang lé wú myhuq pyâm akô nghut ri.
14 Haú bang gi,
xângzo byu pê chyáng mâ é
asho awui dùt bang eq
myìdàm htoq mâ é myùng bang lé,
myui pyám râ matú,
shâmhto sû é zuìhtung yùq mù,
shâm sû é zuì yuq é bang nghut akô.
15 Dongbyen gi,
“Byi aq,
byi aq.”
ga dûng ngau é
byìzo í yùq wó ri.
Hkâ-nhám le nhik a dàt dìk é sûm jung jòq é htoq agó,
“Gé bê.”
a dàt gâ é myî jung jòq ri.
16 Nhik a dàt dìk é pé gi,
mosumhkung,
zo a dàt wó é zoyhûm eq
hkâ-nhám le wuì a dàt lùq é maumyî nghut ri;
hkâ-nhám le “Gé bê.”
a dàt gâ é gi,
myi nghut ri.
17 Yhûmsing é îwa lé wú rhoî luî,
înû dang gyo râ lé wú myhuq pyâm é myòqjí lé gi,
langhkung mâ é nghoqnòq pê èq htê choq pyám mù,
zùn bup pê èq zô pyám râ nghut lhê.
18 Ngá é matú gyai yhang maúhpo dùt é
sûm jung jòq mù,
ngò a sê gyô é myî jung jòq ri.
19 Haú pé gi,
maulat má dâng é zun é hkyô,
lùq bùm htoq má lhângmuì yê é hkyô,
wuiming mó má wuìsanghpo sô é hkyô eq,
yùqgè rayùq eq zo-myi rayùq zùm yàp é hkyô pé nghut ri.
20 Làng shut su é hkyô gi,
shí dông nghut ri:
yhang gi,
zô yu é htâng má,
yhâng é nhut lé sut pyám mù,
“Ngò gi,
haî a kut shut.”
ga taî ri.
21 Sûm jûng é yánmai,
myìdàm gyùq nán byùq mù,
myî jûng é yánmai,
myìdàm a wó jan dùt byùq ri.
22 Haû pé gi,
jùn rayùq hkóhkâm dùt byùq é hkyô,
nghâ sû rayùq zoshuq gyi gyi myàng zô é hkyô,
23 ashop é myiwe myhí zo-myi ló é hkyô eq,
langchyáng myhí gi,
yhûmsîng myhî é jowò htaî lhik yu é hkyô pé nghut ri.
24 Myìdàm htoq mâ é myî jung gi,
tiq kôlhang,
làklaí é hpàqchyî bo ri.
25 Haú pé má,
baùwoq gi,
wum ra-tsuí za bo é a-myû nghut kôlhang,
buìlúm nám lé zoshuq tsîng to ri.
26 Lùq bùm nyi jung wùng gi,
a-tsam ra-tsuí za bò kôlhang,
lùq bùm yò má nyì jang saî ri.
27 Dinggám pé gi,
hkóhkâm a wó kôlhang,
chôm dâng yán wún akô.
28 Jishup lé gi,
lòq èq wó chyup zui kôlhang,
hkóhkâm wâng pé má le byu-myang ri.
29 Shingkang bo é dông sô é a-myû
sûm jung nyi é htoq agó,
hpúng bo é dông sô é a-myû
myî jung nyi ri.
30 Haú pé gi,
tân jung gaunyhaú pé má,
wum-o a-tsam je bo luî,
ó lé le hkyô a hui byî é hkanghkyi;
31 nghutbûn é wòqhpó,
bainám lo eq,
lhînghkyùq má gyèzô pé châng é hkóhkâm nghut ri.
32 Nàng gi,
ngha é hkyô kut luî,
náng gûng nàng wàq toq mù,
agè ashop hkyô lé hen to bê nghut jáng,
náng é nhut má,
náng é lòq èq nghop pyám aq.
33 Hkâsu mù gâ le,
no naú lé kyun jáng,
no xû pat htoq lo é eq,
nhô lé ne rhín jáng sui htoq lo é eq rajung za,
nhikjum yô lò jáng,
byòq lhum byòq cheq hkyô lhoqhtoq kat ri.