Hkyi Xe Yu É Jeju Lé Hkya-ôn É Dang
146
Haû Yhûmsîng Garai lé,hkya-on keq.
Ngá é i‑myìt nhiklhum ê,
haû Yhûmsîng Garai lé hkya-on aq.
2 Ngò gi, ngá é i-pyàt htáng shoq,
Yhûmsîng Garai lé hkya-on râ;
ngò rû dui nyì nyì gi,
ngá é Garai Gasang lé,
hkya-on mahkôn hkôn râ nghut lhê.
3 Haî má le a wó garúm yu é,
xângzo byù eq zaugun wuì lé,
hkâ lùmhkaû kó.
4 Yhángmòq é sô htoq ló byùq jáng,
yhángmòq gi, myi-tse dum taû dùt râ;
haú nyí má yhang,
yhángmòq hen tô é hkyô gi,
akôm dùt byùq râ nghut lhê.
5 Haû Yakup é Garai Gasâng chyáng mai,
garúm hkyô wó yu é htoq agó,
yhâng é Garai Gasang nghut é,
haû Yhûmsîng Garaî chyáng
myìt myòqbyu tô é sû gi,
hkungsô wó nyi ri.
6 Haû Yhûmsîng Garai gi,
mauhkûng eq myigùng, wuimau eq
haú má jòq é eq nyi é lhúnglháng lé,
hpan to Sû nghut mù,
ahtum abyùq jujúm nyî Sû nghut ri.
7 Yhang gi,
zìk zo hui bâng é hkyô lé,
târâ hpyit byi mù,
zò-mut hui bang lé,
zoshuq byî é nghut ri.
Haû Yhûmsîng Garai gi,
htóng lúng bang lé lhoqlhut kat ri.
8 Haû Yhûmsîng Garai gi,
myòqjìt bang lé,
myòq myàng nhâng mù,
lhoqnyhûm hui bang lé,
wàq toq luî, díngmán bang lé,
chyitdàp é Sû nghut ri.
9 Haû Yhûmsîng Garai gi,
gó-mau bang lé wú zúng byi mù,
chuimó chuízo lé,
wùn nyì wàq nyi é nghut ri;
nghut kôlhang,
haû agè ashop bâng é hkyô lé gi,
myìt lhoqhtûm pyám nhang ri.
10 Haû Yhûmsîng Garai gi,
ahtum abyùq ùp nyi é nghut ri;
Zi-un ê, Náng é Garai Gasang gi,
pyàt bán hkangmó ùp nyi é nghut ri.
Haû Yhûmsîng Garai lé,
hkya-on keq.