Isira-elaq Byu Pé Shúm Dùt Hkûn Iyon Yôn É Dang
137
Ngá-mòq gi, Zi-un lé myìtbûn é hkûn,Babelon wuìlàng yàm pé má zùng mù,
chôm ngau é nghut lhê.
2 Ngá-mòq gi, haú má yùq é wuì bandu gàm pé má, ngá-mòq é tíng pé lé,
lhâng tô é nghut lhê.
3 Hkâsu mù gâ le,
ngá-mòq lé shúm kut é bang gi,
ngá-mòq lé mahkôn dûng akô;
ngá-mòq lé zing-rî é bang gi,
“Zi-un má hkon é mahkôn ralhum,
ngá-mòq lé hkon kyo keq!” ga,
gabú mahkôn dûng akô nghut ri.
4 Byù bíng pê é mau má rû nyi tô é u,
haû Yhûmsîng Garaî é mahkôn lé,
ngá-mòq hkâsu kut wó hkôn râ lhú?
5 Yerusalem wà mó ê, ngò gi,
nang lé tô-myhî pyâm é nghut jáng, ngá é lòqyo lòq gi,
yhâng é lòqmú a-tsam lé,
tô-myhî pyám sháng gàq.
6 Ngò gi, nang lé a myìtbun é za,
Yerusalem wà mó lé, ngá é ngón dik jowò nghû,
a myìt sôn yu é nghut jáng,
ngá é shô gi, ngá nhut mâ é,
âm má dàp byùq sháng gàq.
7 Yhûmsîng Garai ê,
Yerusalem wà mó sûm byùq é hkûn,
Edom byu pé haî kut é lé,
myìtbun aq.
Yhángmòq gi, “Hpyoq hpyi pyám keq,
hau é a-pûn awang jé shoq,
hpyoq hpyi pyám keq.”
ga taî garû bum akô nghut ri.
8 Htên byòq byùq râ za nghut é,
Babelon byìzô pé ê,
nàng, ngá-mòq lé kut laî é eq rajung za,
nang lé taû kut é sû gi,
hkungsô wó nyi ri.
9 Náng é nyheqnú wuî lé,
chyup yû mù, lunghtân htoq má,
dú kê pyâm é sû gi,
hkungsô wó nyi ri.