Jeju Hkya-ôn É Dang
136
Haû Yhûmsîng Garai gi,gè Sû nghut é yánmai,
Yhang lé jeju hkya-on keq.
Yhâng é chyitdàp myìt gi,
ahtum abyùq gîng nyi ri.
2 Haû garaî pê é Garai Gasang lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
3 Haû yhûmsing pê é Yhûmsîng lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
4 Yhang baú za maúhpo múzó mó kut Sû lé, jeju hkya-on keq.
Yhâng é chyitdàp myìt gi,
ahtum abyùq gîng nyi ri.
5 Hpàqchyî mai mauhkûng hpan é Sû lé, jeju hkya-on keq.
Yhâng é chyitdàp myìt gi,
ahtum abyùq gîng nyi ri.
6 Wuì htoq má,
myìdàm lé hkâng to Sû lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
7 Maubó gûng pé lé hpan to Sû lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
8 Yhang gi, nyí lé ùp râ matú,
buì lé hpan to bê nghut ri.
Yhâng é chyitdàp myìt gi,
ahtum abyùq gîng nyi ri.
9 Yhang gi, myín lé ùp râ matú,
lha-mó eq kyî pé lé,
hpan to bê nghut ri.
Yhâng é chyitdàp myìt gi,
ahtum abyùq gîng nyi ri.
10 Egutuq ming mâ é zo-mún lé,
sat pyám Sû lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
11 Yhang gi, haú bâng chyáng mai,
Isira-elaq byu pé lé shuî htoq lo é nghut ri.
Yhâng é chyitdàp myìt gi,
ahtum abyùq gîng nyi ri.
12 A-tsam mó bo é lòq eq,
lhâm lam tô é lòqbú èq,
yhángmòq lé shuî htoq lo é nghut ri.
Yhâng é chyitdàp myìt gi,
ahtum abyùq gîng nyi ri.
13 Haû Nhông Nè lé kâng hpyit é Sû lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
14 Yhang gi, hau é agùng mai,
Isira-elaq lé shuî htoq lo é nghut ri.
Yhâng é chyitdàp myìt gi,
ahtum abyùq gîng nyi ri.
15 Nghut kôlhang, Hpara-uq hkóhkâm eq,
yhâng é gyèzô pé lé gi,
Nhông Nè hkaû má myùp shi byùq nhang ri.
Yhâng é chyitdàp myìt gi,
ahtum abyùq gîng nyi ri.
16 Yòso hkaû mai,
Yhâng é byu pé lé shuî laî é Sû lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
17 Hkóhkâm mó pé lé,
sat pyâm é Sû lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.
18 Yhang gi, a-tsam mó bo é hkóhkam pé lé,
sat é Sû nghut ri.
Yhâng é chyitdàp myìt gi,
ahtum abyùq gîng nyi ri.
19 Yhang gi, Amori hkóhkâm Sihon lé,
sat pyâm é nghut ri.
Yhâng é chyitdàp myìt gi,
ahtum abyùq gîng nyi ri.
20 Yhang gi, Bashan hkóhkâm,
Oga lé sat pyâm é nghut ri.
Yhâng é chyitdàp myìt gi,
ahtum abyùq gîng nyi ri.
21 Haú bâng é maumyî lé,
silî wunlî dông byi bê nghut ri.
Yhâng é chyitdàp myìt gi,
ahtum abyùq gîng nyi ri.
22 Haú lé, Yhâng é duìnhâng zoshâng,
Isira-elaq byu pê é silî wunlî kut byî ri.
Yhâng é chyitdàp myìt gi,
ahtum abyùq gîng nyi ri.
23 Yhang gi, ngá-nhúng tiq to nyhum tô ashî hkûn,
ngá-nhúng lé myìtbun Sû nghut ri;
Yhâng é chyitdàp myìt gi,
ahtum abyùq gîng nyi ri.
24 Yhang gi, ngá-nhúng lé,
ngá-nhûng é gye pê chyáng mai,
lhoqlhut yû bê nghut ri.
Yhâng é chyitdàp myìt gi,
ahtum abyùq gîng nyi ri.
25 Yhang gi, duì mîduî bànshoq lé,
zoshuq byi tsô é nghut ri.
Yhâng é chyitdàp myìt gi,
ahtum abyùq gîng nyi ri.
26 Mauhkûng mâ é Garai Gasang lé,
jeju hkya-on keq.
Yhâng é chyitdàp myìt gi,
ahtum abyùq gîng nyi ri.