Kora é yhang zô pê é jidang.
Yerusalem Nghut É Zi-un Lé Hkya-ôn É Dang
87
Yhûmsîng Garai gi, Yhâng é wà a-pûn awang lé,chyoiyúng bûm má xuq to bê nghut ri;
2 Yhang gi,
Yakup é nyì jowò bànshoq lé,
chyit é htoq má,
Zi-un bum mâ é hkum pé lé,
je chyitdàp é nghut ri.
3 Garai Gasâng é wà mó ê,
nàng eq séng luî,
hpungwup bo é dangmó pé taî tô ri. Sela
4 Dang haû gi, “Ngò gi,
ngo lé sê é bang mâ é,
Rahapa eq Babelon lé,
kâ xûm to mù,
Hpilisiti-a, Turuq eq Hkusha má nyi é bang lé le,
‘Shí bang gi, Zi-un má hku é bang nghut lhê.’ nghû,
taí râ nghut lhê.” gâ é nghut ri.
5 Zi-un eq séng luî nghut jáng,
“Shí yuq, haú yùq gi,
yhâng chyáng hku é bang nghut luî,
Myhang htáng Sû gi,
yhang lé xuq to râ nghut lhê.”
ga taí râ nghut lhê.
6 Haû Yhûmsîng Garai,
byù myû wuì lé jihpán gùq é hkûn,
“Byù myû shî gi, Zi-un má hku é nghut lhê.” ga ká râ nghut lhê. Sela
7 “Ngá é jeju wuìbúm pé gi,
Náng chyáng nghut lhê.”
ga, yhángmòq gó uchyang,
hkôn uchyang taí kôrâ nghut lhê.