Asap é jihkyang eq jidang.
Gumlau Gye Pé Lé Sum Nhâng Râ Matú Kyûdûng É Dang
83
Garai Gasang ê, zim za kut hkâ-nyi to;Garai Gasang ê, nhuthkum a hpông é za, hkâzîm to ô.
2 Wú aq, Náng é gye pé gi,
gabyông nyi bum akô;
Nang lé a naù a wôm é bang gi,
yhángmòq nghutbûn é dông,
ulhum tu nghâng akô nghut ri.
3 Yhángmòq gi, Náng é byu pé lé,
htim râ matú hpàqchyî haq da kômù,
Nàng ùpzúng nyi é bang lé,
gumlau râ haq htung akô nghut ri.
4 Yhángmòq gi, “Gaì, lé keq,
Isira-elaq myìng lé ó le a bun lo kôrâ matú,
Yhángmòq a-myû gón lé lhoqhtên pyám sháng.”
ga taî akô nghut ri.
5 Yhángmòq gi, i‑myìt rahkat za kut,
hpàqchyî haq da kômù,
Nang lé chôm htim râ matú,
rahpûng za kut chôm pong akô nghut ri.
6 Haú bang gi, Edom zúm mâ é bang,
Ishima-elaq a-myû wui,
Moba eq Hagara a-myû pê é zúm mâ é bang,
7 Gabala, Ammon, Amalek, Hpilisiti-a a-myû wuì eq,
Turuq byu pé nghut bum akô.
8 Asuri byu pé le, yhángmòq eq pông mù,
Lot é awùt ashîn pé lé wum ê htuq akô nghut ri. Sela
9 Nàng gi, Midi-an byu pé lé kut é su le,
Kishon wuìlàng yàm má,
Sisera eq Yabin nhik lé kut é su le,
yhángmòq lé kut àq.
10 Haú bang gi, Endora jowò má,
shi htûm byùq mù,
myìhpún dùt byùq bê nghut ri.
11 Orep eq Ze-ep lé kut é su,
haú bâng é zaugun sûwún wuî lé kut àq;
Zeba eq Zalamuna lé kut é su,
yhángmòq é zaugun wuì bànshoq lé kut àq.
12 Haú bang gi, “Garai Gasang eq sêng é mhan nú yô lé,
ngá-nhúng sing yù sháng.” ga taî akô nghut ri.
13 Ngá é Garai Gasang ê,
laìdun mâ é hpuílhup su le,
laì hí mâ é hpuichyap su le,
yhángmòq lé kut pyám aq.
14 Yòso mó lé myî èq nyhê hkyô pyâm é su le,
bùm mó lé myîsham èq nyhê hkyô pyâm é su le,
15 Náng é laì mó èq yhángmòq lé châng hkat mù,
Náng é laìdûn èq yhángmòq lé kyuq nhán aq.
16 Yhûmsîng Garai ê,
Náng é myìng lé byu pé ho lò kó sháng gàq,
haú bâng é myòqdong lé hoq hpu nhâng àq.
17 Yhángmòq gi, ayang hoq hpû é hui mù,
gyùq chiq byùq luî, ahoq ahî dông mai,
htên byòq byùq kó sháng gàq.
18 Haú hkûn, Náng é myìng za Yhûmsîng Garai nghut mù,
Nàng za, myìdàm gón má Kô myhang dik Sû nghut é lé,
yhángmòq wó sé kôrâ nghut lhê.