Asap é jidang.
Lhúnglháng Lé Ùp Sû Garai Gasang
82
Garai Gasang gi,hkìk é zùphpong mó lé shuî-û ri;
haú u, hparà garaî pé lé,
târâ jéyáng dang taî é gi,
2 “Núngmòq gi, agè ashop bâng é
myòqdong lé tê mù,
târâ a ràp-rá é hkyô lé,
hkâ-myháng jé shoq kut nyî kôrâ lhú? Sela
3 Asho awuî é bang eq chuízô pé lé,
mâgum yù mù,
myùng bang eq zìk zo huî é bang lé,
jô âng é dông kut byî nyì keq.
4 Wum nyhóm bang eq asho awuî é bang lé, lhoqlhut yû keq;
yhángmòq lé, agè ashop bâng é lòq mai, hkyi yù keq.
5 Núngmòq gi, haî le a sé, haî le a sê gyo kó.
Núngmòq gi, mauchut hkaû má sô nyi akô;
myìdàm htoq é a-pûn awang bànshoq gi,
lhoqnhûn é huî nyi ri.
6 Ngò gi, núngmòq lé,
‘Núngmòq gi, hparà garaî pé nghut akô;
núngmòq gi, Myhang Htáng Su é yhang zô pé nghut akô.’
nghû taî é nghut lhê.
7 Nghut kôlhang, núngmòq gi,
xângzo byù su za shi byùq mù,
gótû ùphkâng zau yùq hkangmó su,
sûm byùq kôrâ nghut lhê.” gâ ri.
8 Garai Gasang ê, toq mù,
myìdàm htoq lé târâ jéyáng aq;
hkâsu mù gâ le, byù myû chângjup gi,
Náng é silî wunlî chyat nghut ri.