Htêyung ushuq kut su é matú. Tíng bàt luî hkon é Asap é jidang.
Ûngmyuq Hkyô Wó Sû Garai Gasang
76
Yudaq mau má,Garai Gasang lé sê bum akô;
Isira-elaq mau má,
Yhâng é myìng kô lam nyi ri.
2 Yhâng é zúm gi,
Yerusalem wà móa má jòq luî,
Yhâng é nyì jowò gi,
Zi-un bum má nghut nyi ri.
3 Yhang gi, haú jowò má,
myi duq é myoshi pé lé le,
gòlong pé lé le, shâm pé lé le,
majan zan zê pé lé le,
lhoqhkyuî pyám bê nghut ri. Sela
4 Garai Gasang ê, Nàng gi,
Náng é gye pé lé ung e bùm mai,
dum taû lo é hkûn,
hpungwup shingkang gyai bô mù,
gyai yhang hkìkhkam é nghut ri.
5 A gyùq a wàm dùt é sarhê pé wó é
zè pé bànshoq lú yu ló byùq bekô;
yhángmòq gi, jâng yhup nân tô byùq bekô nghut ri.
Sarhê pé hká yùq lháng gi,
yhûmsing lòq lé,
a wó tu toq lo kó nghut ri.
6 Yakup é Garai Gasang ê,
Nàng nhik-yô é yánmai,
myang eq gyèlhêng pé gi,
yhup mó myí byùq bekô nghut ri.
7 Gyùq hkúngga râ sû gi, Nàng za nghut ri.
Nàng nhikjum yô é hkûn,
ó yùq wá Náng hí má wó yàp ging râ lhú?
8-9 Nàng gi, mauhkûng mai,
târâ jéyáng é hkyô kyo bê nghut ri;
Garai Gasang ê, Nàng gi,
myìdàm htoq má,
zìk zo huî nyi é bang bànshoq lé,
hkyi yù râ matú,
târâ jéyáng râ ga toq yàp é hkûn,
myìdàm htoq mâ é pé gi,
gyùq luî zîm byùq bekô nghut ri. Sela
10 Gè gè yhang,
byu pé nhikjum yô é hkyô gi,
Nang lé hkya-on râ hkyô je htoq nhang ri.
Nàng nhikmó-yô é mai wó lùt é bang gi,
Nàng ùp nyi é huî akô nghut ri.
11 Náng é Garai Gasang, Yhûmsîng Garai lé, danghtum tsing htûm to mù,
hau pé lé lhoqdìk àq;
awui ayàm mau mâ é bang bànshoq gi,
haû gyùq hkúngga gíng Sû lé,
chyûnghuq chyûnghtâng lé byi kó sháng gàq.
12 Yhang gi, ùphkâng bâng é i‑myìt lé,
lhoqhkyop pyám byi mù,
myìdàm htoq mâ é hkóhkam pé gi,
Yhang lé gyùq kyum bum akô nghut ri.