Dawiq é jidang.
Garaî É Chyoiyúng Bùm Má Nyì Râ Bang
15
Yhûmsîng Garai ê,
Náng é chyoiyúng yhûm má,
ó yùq wó lúng nyî râ lhú?
Náng é chyoiyúng bùma má,
ó yùq wó nyi nyì râ lhú?
2 Haú yùq gi,
mara hûn jang
a bò loshoq nyì yàp mù,
díngmán é hkyô lé zui saí luî,
yhâng é myìt hkaû mai,
tengmán é dang taí é sû;
3 yhâng é nhut shô mai,
lùmù gànsâng dang a taî é,
yhâng é yhûmkyochang lé,
a ge é hkyô a kut é,
yhâng é luzúm lé,
ashop é dang a taî é sû;
4 ashop é sû lé wú tiq pyám mù,
Yhûmsîng Garai lé
gyùq hkúnggâ é bang lé hpautap hkúnggâ é,
yhang nò hkâm kôlhang,
danghtum htûm tô é lé châng é sû;
5 yhâng é ngùn lé ngùnhpún kat mù,
a chyî é eq,
mara a bò sû lé mara bo hun râ lòqhkaû lang zè
a lhom yu é sû nghut ri.
Haú hkyô pé kut é sû gi,
hkâ-nhám le gingtîng nyì râ nghut lhê.