Htêyung ushuq kut su é matú. Dawiq é jidang.
Wuîhke Hkyô Mai Lùt Râ Kyûdung Dang
13
Yhûmsîng Garai ê,
Nang gi,
hkâ-myháng jé shoq
ngo lé tô-myhî pyâm to râ lhú?
Ahtum abyùq jé shoq lhú?
Hkâ-myháng jé shoq Náng myòqdong
ngá chyáng mai haq tô nyì râ lhú?
2 Ngò gi,
ngò myìt é má,
hkâ-myháng jé shoq wuîhkê nyì mù,
ngá myìt má nyí wuî yón kuq nyî râ lhú?
Ngá é gye pé gi,
ngo lé,
hkâ-myháng jé shoq ung nyì kôrâ lhú?
3 Ngá é Garai nghut e,
Yhûmsîng Garai ê,
ngo lé myàng byi mù,
gyo byi laq.
Ngá é myòqjí lé maubó nhâng laq;
haû hkûn,
ngò yhup shi byùq râ a nghut;
4 Haû a nghut jáng,
ngo lé gumlau sû gi,
“Yhang lé ngò wó ûng bê.”
ga,
taí râ nghut lhê;
ngá é gyè gi,
ngò sûm é hkûn,
gabú râ nghut lhê.
5 Nghut kôlhang,
ngò gi,
Náng é ru gîng nyi é chyitdàp myìt lé,
lùmhkau nyi lhê;
ngá é myìt nhiklhum gi,
Náng é hkyi yù hkyô má,
gabú nyi lhê.
6 Haû Yhûmsîng Garai gi,
ngo lé
ge é hkyô kut byî nyì bê nghut é yánmai,
ngò gi,
Yhang lé
hkya-on mahkôn hkôn râ nghut lhê.