Htêyung ushuq kut su é matú. Dawiq é jihkyang.
Yhûmsîng Garaî Chyáng Nghêhkau É Hkyô
11
Ngò gi,
haû Yhûmsîng Garaî chyáng
nghêhkau nyi lhê;
haû sû é nhîng,
nàng haî mù ngo lé,
“Nghoqzo radu dâng hpang é su,
náng é bùm shut hpang àq,
2 hkâsu mù gâ le,
wú aq,
haû agè ashop é bang gi,
yhángmòq é laipyí lé tap râ hen to bê;
yhángmòq gi,
mauchut é jang mai,
haû i‑myìt díngmán sû lé bìk râ ga,
yhángmòq é myoshi lé,
laipyí má lâng tap to bê nghut ri.
3 A-pûn awang péa htên byòq tô bùm jáng,
haû díngmán sû gi,
haí jung ge wó kut râ lhú?”
nghû taî lhê lhú?
4 Yhûmsîng Garai gi,
Yhâng é chyoiyúng noqkuq yhûm má nyi nyi ri;
Yhûmsîng Garai gi,
Yhâng é mauhkûng hkóhkâm tángmyhâng má nghut nyi ri.
Yhang gi,
xângzo byu pé hkâsu kut é lé,
wú nyi ri;
Yhâng é myòqjí èq haú bang lé,
lhik wú nyi ri.
5 Yhûmsîng Garai gi,
haû díngmán sû lé chyam lìk luî,
lú lhum bàt zìk hkyô lé chyitdàp é,
agè ashop sû lé gi,
Yhâng é myìt nhiklhum mai
a ngui dik nghut ri.
6 Yhang gi,
myi dap nyi é myigye
eq shaú myi lé,
haû agè ashop bâng é ahtoq má,
wo gyun nhâng râ nghut lhê;
hkyíng hkyíng nyé é laì gi,
yhángmòq é gàmbùm dùt râ nghut lhê.
7 Hkâsu mù gâ le,
Yhûmsîng Garai gi,
díngmán Sû nghut ri;
Yhang gi,
târâ ràp-rá hkyô lé chyitdàp ri;
i‑myìt díng sû gi,
Yhâng é myòqdong lé,
wó myâng râ nghut lhê.