Htêyung ushuq kut su é matú. Tíng bàt luî hkon é, Dawiq é jidang.
Wuîhke Jamjau Mó Huî É Hkûn Kyûdûng É Dang
6
Yhûmsîng Garai ê,Nàng nhik-yô é èq ngo lé hkâtan,
Nàng nhikmó-yô é èq le ngo lé hkâ mhoqshit.
2 Yhûmsîng Garai ê,
ngo lé shogyo nhikmyîn yù àq,
hkâsu mù gâ le,
ngò gi, wum nyhôm dik nyi ri.
Yhûmsîng Garai ê,
ngo lé lhoqgê lhoqyô byi aq,
hkâsu mù gâ le,
ngá é showui showang pé gi, no hpû nyi ri.
3 Ngá é i‑myìt sô gi, no hpû dik nyi ri.
Yhûmsîng Garai ê,
hkâ-myháng jé nghut râ lhú?
4 Yhûmsîng Garai ê, taû lhing lò mù,
ngo lé hkyi xe yu àq;
Náng é ru gîng nyi é chyitdàp myìt é yánmai, ngo lé hkyi yù àq.
5 Ó yùq le, shi byùq jáng gi,
Nang lé myìtbun râ a nghut.
Ó yùq wá,
Nang lé mosumhkung mai hkya-on râ lhú?
6 Ngò gi, myìt nò-kying kying mù,
ngú shi ló ri;
myìn wuì ngá é yhupgyàp lháng myùp shoq
ngau nyi é nghut lhê;
ngá é ngaùbyi gi, yhupjang lháng pup pup lhoqteq nyi ri.
7 Ngá é myòqjí gi, yón kuq luî,
mhám mhám dùt ló ri;
Ngá é gye pê é yánmai,
ngá é myòqjí gi,
a myàng lo dùt ri.
8 Agè ashop hkyô kut é lhúnglhâng bang gi,
ngò eq wê gâng ló keq,
hkâsu mù gâ le, Yhûmsîng Garai gi,
ngá é ngaù htê lé wó gyo byi bê nghut ri.
9 Haû Yhûmsîng Garai gi,
ngo lé shogyo nhikmyin râ matú,
ngò wùt ngau é htê lé wó gyo byi bê nghut ri;
Haû Yhûmsîng Garai gi,
ngá é kyûdung dang lé hàp yù bê nghut ri.
10 Ngá é gye pé lhúnglhâng bang gi, hoq luî,
gyai yhang gyùq nán byùq kôrâ nghut lhê;
yhángmòq gi, byò dàn tung hoq hpu luî,
nùngzut zùt byùq kôrâ nghut lhê.