Dawiq, yhang zo Apsalom chyáng mai hpang é hkûn, hkon é jidang.
Chyungxe Chiq Râ Dùt Nyi É U Garai Gasang Lé Lùmhkau É Hkyô
3
Yhûmsîng Garai ê,
ngo lé gyè kut é bang,
ngo lé gumlau toq é bang,
hkâ-myhó yhang myô nyi ri myhî-nhung!
2 Byù myo myo gi,
“Yhang lé Garai hkyi yù râ a nghut.”
ga ngò eq séng luî
taî bum akô.
Sela a
3 Nghut kôlhang,
Yhûmsîng Garai ê,
Nàng gi,
ngá é gòlong,
ngá é hpungwup shingkang eq,
ngá é ulhum lé tu toq byî é dông
myìt wum byî é Sû nghut lhê.
4 Ngò gi,
Yhûmsîng Garai lé wùt dung mù,
Yhang gi,
Yhâng é chyoiyúng bûm mai ngo lé gyo byî ri.
Sela
5 Ngò lèq mù yhup luî wó dum bûn lo é gi,
haû Yhûmsîng Garai,
ngo lé ùpzúng byî é yánmai nghut lhê.
6 Byù mun sen lhînghkyùq mai
ngo lé gumlaû lò kôlhang,
ngò gyùq râ a nghut.
7 Yhûmsîng Garai ê,
toq aq!
Ngá é Garai Gasang ê,
ngo lé hkyi yù laq!
Hkâsu mù gâ le,
Nàng gi,
ngá é gye pé lhúnglhâng é shi-kàp lé bàt mù,
agè ashop bâng é zuì pé lé
bàt hkyuî pyám byi é nghut ri.
8 Hkyi yù hkyô gi,
Yhûmsîng Garai Náng chyáng mâ é nghut ri.
Náng é shimân jeju gi,
Náng é byu pê chyáng
ru joq nyî sháng gàq ô.
Sela