Garai Gasang Hkyin Yu É Hkóhkâm
2
Byù myû wuì gi,
haî mù luî nhikmó-yô nyi bum akô làq?
Byu pé gi,
haî mù luî akôm má
a ge é hpàqchyî haq htung nyi bum akô làq?
2 Haû myìdàm htoq mâ é
hkóhkam pé chôm toq mù,
ùphkâng bang chôm zing luî,
Yhûmsîng Garai eq Yhâng é xû bùt hui sû lé
htuqhtíng dang taí kô é gi,
3 “Gaì!
Yhángmòq é toqjâng tui lé
lhoqhpyit pyám sháng;
yhángmòq é tui lé
dú pyám sháng.”
gâ akô.a
4 Mauhkûng htoq tsáng myhâng mâ é
tángmyhâng má zung nyì Sû gi,
wui pyám byî ri;
haû Yhûmsîng gi,
yhángmòq lé a-tam é dông
wui pyám byî ri.
5 Haú hkûn,
Yhang gi,
nhikjum yô é èq yhángmòq lé tan mù,
nhikmó-yô é èq yhángmòq lé
tân kyuq luî,
taî é gi,
6 “Ngò gi,
Ngá é chyoiyúng bûm
Zi-un má Ngá é hkóhkâm lé
ùp nhang to bê nghut lhê.”
gâ ri.
7 Ngò hkóhkâm gi,
Yhûmsîng Garaî
é dang lé taî pyô râ nghut lhê.
Yhang,
ngo lé taî é gi,
“Nàng gi,
Ngá zo nghut lhê;
Ngò gi,
hkû-nyí náng wa dùt bê nghut lhê.
8 Nàng,
Ngo lé dung aq,
haú hkûn,
Ngò gi,
byù myû wuì lé
náng é muìzè dùt nhâng mù,
maumyî htáng shoq
nang lé sîng nhâng râ nghut lhê.
9 Nàng gi,
jòqtoq dumbáng èq
yhángmòq lé ùp râ nghut lhê;
nàng gi,
tso-au lé su,
ajàp azo dùt shoq
yhángmòq lé bàt hpyi pyám râ nghut lhê.”
gâ ri.
10 Haû mù luî,
hkóhkam pé núngmòq gi,
hpàqchyî bò keq;
myìdàm htoq mâ é ùphkâng bang núngmòq gi,
sidìq byî é dang lé gyô yù keq.
11 Yhûmsîng Garai lé
gyùq hkúnggâ é myìt mai dójaú luî,
gyùq kyum é myìt mai gabú nyî keq.
12 Haû yùqzo lé nhut èq bo-puq puq
byi keq,
haû a nghut jáng,
yhang gi,
nhikjum yo luî,
núngmòq gi,
núngmòq é hkyô má
dàn lòq tung htên byòq é hui kôrâ
nghut lhê;
hkâsu mù gâ le,
yhang gi,
razùp má za nhikmó-yo sê lhê.
Yhâng chyáng nghêhkau é bang bànshoq gi,
hkungsô wó nyi ri.