Yerusalem Wà Má Zaugun Sûwún Hkyin É Hkyô
11
Ahkuî, shiwa byu pê é ushuq pé gi, Yerusalem wà mó má nyi bum akô. Myìt gyó tô é shiwa byu pé gi, raxê yùq mâ é rayùq lé, haû chyoiyúng wà mó nghut é, Yerusalem wà mó má nyì nhâng râ eq, myìt tô é gau yuq lé gi, ó le ô é wà mó pé má nyi to râ matú, hkyîn shosé she akô nghut ri. 2 Shiwa byu pé gi, ó le ô é myìt mai Yerusalem wà mó má nyì râ gâ é bang bànshoq lé, shimân byî akô.3 A-ô mâ é gi, Yerusalem wà mó má nyi tô é mau zau wuì nghut akô. Yudaq byu pê é wà mó pé mâ é, ó le ô é maumyî má nyi tô é bang gi, Isira-elaq byu pé ra-am, hkyangjông pé, Lewiq byu pé, noqkuq yhûm mâ é duìnhâng zoshâng wuì eq Sholumon é duìnhâng zoshâng wui é awùt ashín pé nghut bum akô. 4 Yudaq up eq Ben-yamin up mâ é gótû byù kúm gi, Yerusalem wà mó má nyi tô akô.
Yudaq up mâ é awùt ashín pé gi,
Perezi é awùt ashín, Mahalalela é shu ké kup, Shehpati-a é shu ké tsáng, Amari-a é shu ké, Zehkariq é yhang shu, Uzi-a é yhang zo yùqzo Ahtai-a; 5 Shela akoq mâ é, Zehkariq é awùt ashín, Yoi-arip é shu ké kup, Adai-a é shu ké tsáng, Hazai-a é shu ké, Hkula-Hoze é yhang shu, Baruk é yhang zo yùqzo Mase-a nghut ri. 6 Yerusalem wà mó má nyi é, Perezi é awùt ashín pé bànshoq gi, sarhê 468 yùq nghut ri.
7 Ben-yamin up mâ é awùt ashín pé gi,
Yeshai-a akoq mâ é, Ihti-ela é awùt ashín, Mase-a é shu ké kup, Kolai-a é shu ké tsáng, Pedai-a é shu ké, Yo-eda é yhang shu, Meshulam é yhang zo yùqzo Salu eq, 8 yhâng htâng cháng é Gabai eq Salai pé, bànshoq bang 928 yùq nghut akô. 9 Zihkri é yhang zo Yo-ela gi, yhángmòq lé ùp é zau hpó nghut mù, Hasenu-a é yhang zo Yudaq gi, wà mó mâ é Wà Sik túm lé ùp é tê zau hpó nghut ri.
10 Hkyangjông pé mâ é bang gi,
Yoi-arip é yhang zo Yedai-a, Yahkin nhik, 11 Garai Gasâng é yhûm má ùp é zau hpó Ahitup é shu ké kup, Merai-ot é shu ké tsáng, Zadok é shu ké, Meshulam é yhang shu, Hiliki-a é yhang zo yùqzo Serai-a eq, 12 noqkuq yhûm má mú zui saî é yhángmòq é gu-mang wuì 822 yùq; Malikiya akoq mâ é, Pashura é shu ké kup, Zehkariq é shu ké tsáng, Amzi é shu ké, Pelali-a é yhang shu, Yeroham é yhang zo yùqzo Adai-a eq, 13 yhûmhtu pé mâ é ushuq pé nghut é yhâng é gu-mang wuì 242 yùq; Imera é shu ké tsáng, Meshilemot é shu ké, Azai é yhang shu, Azarela é yhang zo yùqzo Amashisai eq, 14 sarhê pé nghut é yhâng é gu-mang wuì 128 yùq pé nghut akô. Hagedolim é yhang zo Zapdi-ela gi, yhángmòq é zau mó nghut ri.
15 Lewiq byu pé mâ é bang gi,
Buni é shu ké tsáng, Hashabi-a é shu ké, Azirikam é yhang shu, Hashup é yhang zo yùqzo Shemai-a; 16 Garai Gasâng é yhûm shinggan múzó pé lé ùp é su nhik nghut é, Lewiq byu pê é ushuq nhik Shabehtai eq Yozabat; 17 Asap é shu ké, Zapdi é yhang shu, Mihka é yhang zo yùqzo, haû jeju hkya-ôn é eq kyûdûng é má ushuq kut sû Matani-a; yhâng é gu-mang wui chyáng námbat í lhum wò yù sû Bakbuki-a eq, Yeduhtun é shu ké, Galala é yhang shu, Shamu-a é yhang zo yùqzo Apda pé nghut akô. 18 Chyoiyúng wà mó má nyi é Lewiq byu pé bànshoq gi, 284 yuq nghut akô.
19 Hkum zúng bang gi,
Akup, Talamon eq hkum zúng é yhángmòq é gu-mang wuì, 172 yùq nghut akô.
20 Myìt gyó tô é Isira-elaq byu pé gi, hkyangjông pé eq Lewiq byu pé le mù, Yudaq wà mó pé bànshoq má, ó le ô é îchyí îwâ pé eq sêng é silî wunlî maumyî má nyi bum akô nghut ri.
21 Noqkuq yhûm má duìnhâng zoshâng wuì gi, Ohpela bum má nyì akô; Ziha eq Gisipa gi, haú bang lé ùp akô nghut ri.
22 Mihka é shu ké tsáng, Matani-a é shu ké, Hashabi-a é yhang shu, Bani é yhang zo yùqzo Uzi gi, Yerusalem wà mó má nyi é, Lewiq byu pê é zau hpó mó nghut ri. Yhang gi, Garai Gasâng é yhûm má noqkuq dójaú râ matú wò yu tô é, mahkôn hkôn bang nghut é, Asap é awùt ashín pé mâ é rayùq nghut ri. 23 Mahkôn hkôn bâng é múzó gi, yhángmòq nyí wuî kut râ matú hkóhkâm hkyô tô é hkunmó hkaû má nghut ri.
24 Yudaq up, Zera é awùt ashín mâ é, Meshezabela é yhang zo yùqzo Pehtahi-a gi, shiwa byu pé eq sêng é múzó hkangmó lé, hkóhkam é gùnglik dông zui saí sû nghut ri.
25 Haû wà pé eq yhángmòq é yò pé lé taí sháng ga jáng, Yudaq byu pé ra-am gi, Kiri-at Araba eq hau é awui ayàm mâ é wàhtum pé má le, Dibon eq hau é wàhtum pé má le, Yekapzela eq hau é wà pé má le nyi akô nghut ri. 26 Hau htoq agó, yhángmòq gi, Yeshu-a má le, Molada má le, Bet Pelet má le, 27 Hazarashula má le, Berasheba eq hau é wàhtum pé má le, 28 Ziklak má le, Mehkona eq hau é wàhtum pé má le, 29 En Rimon má le, Zora má le, Yarimut má le, 30 Zano-a, Adulam eq yhángmòq é wà pé má le, Lahkisha eq hau é yò pé má le, Azeka eq hau é wàhtum pé má le nyi nyi bum akô nghut ri. Haû mù, yhángmòq gi, Berasheba mai Hinom Langhkaû jé shoq nyi bum akô nghut ri.
31 Ben-yamin é awùt ashín pé gi, Geba mai, Mikmasha, Aiya, Behtela eq hau é wàhtum pé má le, 32 Anahtot, Noba eq Anani-a pé má le, 33 Hazora, Rama eq Gitim pé má le, 34 Hadit, Zebo-im eq Nebalat pé má le, 35 Loda eq Ono má le, Ge Harashim má le nyi nyi bum akô nghut ri.
36 Yudaq byu pê é mau má nyi laî lo é Lewiq byù hpûng ra-am gi, Ben-yamin up eq rahá jâng nyi nyi akô nghut ri.