Taû Lò Bâng É Jihpán
2
Shí bang gi, Babelon hkóhkâm Nebuhkatneza èq chyup shuî yù mù, Babelon mau má shúm dông shuî ló é hui bang mai taû htoq lô luî, Yerusalem wà mó eq Yudaq mau mâ é ó le ô é wà má taû lo é bang nghut ri. 2 Yhángmòq gi, Zerubabela, Yeshu-a, Nehemi-a, Serai-a, Relai-a, Modehkai, Bilashan, Misipara, Bigiwai, Rehum eq Bana pé shuî-û é a-ô mai taû lò kô é bang nghut ri.Isira-elaq byu pê é jihpán gi,
3 Parosha é awùt ashín pé gi, 2172 yùq;
4 Shehpati-a é awùt ashín pé gi, 372 yùq;
5 Ara é awùt ashín pé gi, 775 yuq;
6 Yeshu-a eq Yo-ap nhik é akoq mâ é Pahat-Moba é awùt ashín pé gi, 2812 yùq;
7 Elam é awùt ashín pé gi, 1254 yùq;
8 Zatu é awùt ashín pé gi, 945 yùq;
9 Zahkai é awùt ashín pé gi, 760 yùq;
10 Bani é awùt ashín pé gi, 642 yùq;
11 Bebai é awùt ashín pé gi, 623 yùq;
12 Azigat é awùt ashín pé gi, 1222 yùq;
13 Adonikam é awùt ashín pé gi, 666 yùq;
14 Bigiwai é awùt ashín pé gi, 2056 yùq;
15 Adin é awùt ashín pé gi, 454 yuq;
16 Hezeki-a koq mâ é Atera é awùt ashín pé gi, 98 yùq;
17 Bezai é awùt ashín pé gi, 323 yuq;
18 Yora é awùt ashín pé gi, 112 yùq;
19 Hashum é awùt ashín pé gi, 223 yuq;
20 Gibari é awùt ashín pé gi, 95 yuq;
21 Betlehem mâ é byu pé gi, 123 yuq;
22 Netohpa mâ é byu pé gi, 56 yùq;
23 Anahtot mâ é byu pé gi, 128 yùq;
24 Azimawet mâ é byu pé gi, 42 yùq;
25 Kiri-at Yarim, Hkehpira eq Berot mâ é byù pé gi, 743 yuq;
26 Rama eq Geba mâ é byù pé gi, 621 yùq;
27 Mikmasha mâ é byù pé gi, 122 yùq;
28 Behtela eq Ai mâ é byu pé gi, 223 yuq;
29 Nebo mâ é byù pé gi, 52 yùq;
30 Magibisha mâ é byu pé gi, 156 yùq;
31 gótû Elam mâ é byù pé gi, 1254 yuq;
32 Harim mâ é byù pé pé gi, 320 yùq;
33 Loda, Hadit eq Ono mâ é byù pé gi, 725 yuq;
34 Yerihko mâ é byù pé gi, 345 yuq;
35 Sena mâ é byù pé gi, 3630 yùq nghut ri.
36 Hkyangjông pé gi,
Yeshu-a koq mâ é Yedai-a é awùt ashín pé, 973 yuq;
37 Imera é awùt ashín pé gi, 1052 yùq;
38 Pashura é awùt ashín pé gi, 1247 yùq;
39 Harim é awùt ashín pé gi, 1017 yùq nghut ri.
40 Lewiq byu pé gi,
Hodawi-a koq mâ é Yeshu-a eq Katmi-ela é awùt ashín pé 74 yuq nghut ri.
41 Mahkôn hkon é bang gi,
Asap é awùt ashín pé 128 yùq nghut akô.
42 Noqkuq yhûm hkum zúng bang gi,
Shalum, Atera, Talamon, Akup, Hatita eq Shobai pê é awùt ashín pé 139 yùq nghut akô.
43 Noqkuq yhûm mâ é duìnhâng zoshâng wuì gi,
Ziha, Hasuhpa eq Taba-ot pê é awùt ashín pé;
44 Kero, Si-aha eq Padon pê é awùt ashín pé;
45 Lebana, Hagaba eq Akup pê é awùt ashín pé;
46 Hagap, Shalimai eq Hanan pê é awùt ashín pé;
47 Gidela, Gahara eq Re-ai-a pê é awùt ashín pé;
48 Rezin, Nekoda eq Gazam pê é awùt ashín pé;
49 Uza, Pase-a eq Besai pê é awùt ashín pé;
50 Asina, Me-unim eq Nehpusim pê é awùt ashín pé;
51 Bakbuk, Hakuhpa eq Harahura pê é awùt ashín pé;
52 Bazilut, Mehida eq Harasha pê é awùt ashín pé;
53 Barakosi, Sisera eq Tema pê é awùt ashín pé;
54 Nezi-a eq Hatihpa nhik é awùt ashín pé nghut akô.
55 Sholumon é duìnhâng zoshâng wui é awùt ashín pé gi,
Sotai, Hasohperet eq Peruda pê é awùt ashín pé;
56 Yala, Darikon eq Gidela pê é awùt ashín pé;
57 Shehpati-a eq Hatila nhik é awùt ashín pé;
Pohkeret Hazebim eq Ami pê é awùt ashín pé nghut akô.
58 Noqkuq yhûm mâ é duìnhâng zoshâng wuì eq Sholumon é duìnhâng zoshâng wuì bànshoq gi, 392 yùq nghut ri.
59 Hau htoq agó, Tela Mela wà, Tela Harasha wà, Hkeruba wà, Adon wà eq Imera wà pé mâ é bang le bo htoq lô kôlhang, yhángmòq é yhûmhtu pé gi, Isira-elaq mai nyi gyó lo é bang nghut é hkyô a wó tûn shit kó nghut ri. Haú bang gi, 60 Delai-a, Tobi-a eq Nekoda pê é awùt ashín pé 652 yùq nghut akô.
61 Hkyangjông pé mâ é bang gi, Hobai-a, Hakoza eq Barazilai pê é awùt ashín pé nghut akô. Barazilai gi, Gile-at byù Barazilai é yhang zo byìzo lé yù mù, yhâng é myìng má cháng luî myhîng yu é myìng nghut ri. 62 Yhángmòq gi, yhûmsing é yhûmhtu byùxik labaû lé ho wú kôlhang, a myang hô kó nghut ri; haû mù, yhángmòq lé gi, a sansêng é bang dông són byi mù, hkyangjong mú a zui nhâng kó nghut ri. 63 Ming zau hpó gi, Urim eq Htu-mim dàt chung é hkyangjong a htoq htoq, chyoiyúng htâng é zoshuq haî le a zo râ matú yhángmòq lé hkunmó hkyô tô ri.
64 Shiwa byù hpúng gón gi, 42360 yùq bo ri; 65 hau htoq agó, yhángmòq é jùn myhí jùn hpô pé gi, 7337 yùq nghut mù, mahkôn hkon é myiwe yùqgè wuì gi, 200 yùq bo ri. 66 Yhángmòq gi, myang 736 du, loze 245 du, 67 gola-uk 435 du eq logúng 6720 du wó akô nghut ri.
68 Yhángmòq gi, Yerusalem wà mó mâ é haû Yhûmsîng Garaî é yhûm má jé lô kô é hkûn, yhûmhtu pé mâ é ushuq pé ra-am gi, yhâng é jowò má yhang Garai Gasâng é yhûm saî saí râ matú, byi naû hkungga pé byî akô nghut ri. 69 Yhángmòq gi, yhûmsîng wó é a-tsam má cháng luî, hîng 167 joí kô le, ngùnhtung 933 joí kô eq hkyangjong mèbu 100 dung le, sùtdò má lé kat byî akô nghut ri.
70 Hkyangjông pé, Lewiq byu pé, mahkôn hkôn bang, hkum zúng bang eq noqkuq yhûm mâ é duìnhâng zoshâng wuì gi, góbang ra-am eq yhûmsing é wà pé má nyì mù, myìt tô é Isira-elaq byu pé gi, yhûmsing é wà pé má nyi akô nghut ri.