Raba Wà Lé Sing Yu Pyâm É Hkyô
20
Zàn htaí luî, hkóhkam pé majan zan râ ahkyíng dum jé é hkûn, Yo-ap gi, gyè hpúng mó lé shuî chûng mù, Ammon byu pê é mau lé chamchyuîyuì kut pyâm to luî, Raba wà lé lhînghkyùq ê lhom tô ri; nghut kôlhang, Dawiq gi, Yerusalem wà mó má nyi nyi ri. Yo-ap gi, Raba wà lé ê htim luî, lhoqhten lhoqhkyop pyám bê nghut ri. 2 Haú hkûn, Dawiq gi, yhángmòq é hkóhkâm hpô é ulhum mâ é hkóhkâm jánmaú lé hkyut yu ri; haû gi, hîng raxe rajoí kô laî é eq lungsêng pé le haú má tap tô ri; Dawiq gi, haú lé yhâng é ulhum má tsûng tô ri. Yhang gi, wà haú mai zè myo myo lú yu é htoq agó, 3 wà haú mâ é byu pé lé le shuî htoq yû mù, sik-yìk pê èq le, jòqtoq zuchûn pê èq le, wazung pê èq le sat pyâm ri. Yhang gi, Ammon byu pê é wà pé bànshoq lé le haû su kut pyâm ri. Hau htâng, Dawiq eq yhâng é gyè hpúng gón gi, Yerusalem wà mó shut taû ló bekô nghut ri.Hpilisiti Byu Pé Eq Majan Zân Lhûm É Hkyô
4 Hau htâng má, Hpilisiti byu pé eq Gezera jowò má majan htoq bê nghut ri. Haú hkûn, Husha byù Sibehkai gi, Rehpim byu pê é awùt ashín mâ é Sipai lé sat pyám luî, Hpilisiti byu pé lé ung pyám bê nghut ri.
5 Hpilisiti byu pé eq majan dum htoq é hkûn, Ya-ira é yhang zo Elihanan gi, wòqmó lhó bo é lhâm chung é Giti byù Goli-at é yhang gu Lami lé sat pyâm ri.
6 Gat wà má majan radàm dum htoq ri; haú má, gùnghkyâng kô myhâng luî, hkyî-nyhui lòqnyhui hkyuq nyhui nyhui dàp mù, bànshoq í xe myî nyhui dàp é byù rayùq bo ri. Yhang gi, Rahpa mai nyi gyó lo é sû nghut ri. 7 Yhang gi, Isira-elaq byu pé lé jèq hô rhoî dang taî nyi é hkûn, Dawiq é yhang mang Shime-a é yhang zo Yonahtan gi, yhang lé sat pyâm ri.
8 Haú bang gi, Gat wà mâ é Rahpa é awùt ashín pé nghut akô. Yhángmòq gi, Dawiq eq yhâng é byu pê é lòq má shi byùq akô nghut ri.