ZACARÍAS
Txꞌolbil Xoꞌl Yi Liwreꞌj
Zacarías iꞌ jun scyeri eꞌ xonl Israel yi eꞌ pakxij junt tir Jerusalén te yi tiemp tetz Zorobabel. Iꞌ jun bajxom te jun kꞌuꞌj paleꞌ. Nin yi xtxolbileꞌj yi stzꞌibaꞌnt taꞌn na ẍchaj sketz yi mbi ekaꞌn tan cobox visión yi nẍchaj Kataj Ryos tetz, te yi mbi cuꞌn sbajok tzantzaj.
Yi Weklil Yi Liwreꞌj
Yi bajx wekl (Cap. 1–8) iꞌtz cobox visión yi ja ẍchaj tib swutz Zacarías tul eꞌchk yob 520—518 te yi ntaxk itzꞌij Kajcaw Jesucristo. Ja xcon eꞌchk visiónaꞌtz tan makleꞌn chiwutz yi eꞌ tetz tanum.
Nchaꞌtz ja xcon tan chiquiwseꞌn tan jeꞌseꞌn junt tir yi tapij solteꞌj yi tnum Jerusalén, nin tan jeꞌseꞌn junt tir yi templo.
Nchaꞌtz ja xcon tan chinachoneꞌn te quil, nin tan jakleꞌn cuybil chipaj swutz Ryos.
Nchaꞌtz ja xcon tan clarineꞌn ẍchiwutz te yi mbi cuꞌn sbajok yil tzꞌul tzaj yi Mesías tan cawuꞌn wuxtxꞌotxꞌ.
Yi caꞌp wekl (Cap. 9–14) na jilon te yi ẍeꞌn cuꞌn chicawsij yi eꞌ contr Israel nin yi ẍeꞌn cuꞌn sjalok kꞌej Jerusalén junt tir.