JONÁS
Txꞌolbil Xoꞌl Yi Liwreꞌj
Yi biꞌaj Jonás na elepont “Sluꞌk” le ketz kayol. Iꞌ jun elsanl stziꞌ Ryos yi ja paj caꞌwl Ryos tan tuꞌ yi qui nin ben tan xtxoleꞌn yi tajbil Kataj scyetz yi eꞌ aj Nínive. Ma na nin el ojk tul jun barc tan tponeꞌn le junt amaꞌl yi chin joylaj nin.
Yi liwreꞌj na ẍchaj yi porer Kataj Ryos tibaj cyakil eꞌchk takleꞌn yi iꞌ bnol tetz.
Nchaꞌtz na ẍchaj yi at wiꞌnin loꞌk ib tu pasens tuchꞌ.
Nchaꞌtz na ẍchaj yi list Ryos tan cuyleꞌn chipaj cyakil yi eꞌ yi na chibisun tan quil nin yi na chijak cuybil chipaj swutz iꞌ. Quiꞌc na ban mbi jilwutz wunakil yi na taj bantzaj tib tu Ryos.
Yi Weklil Yi Liwreꞌj
Yi bajx wekl (Cap. 1) na tal yi mbi cuꞌn mbajij teꞌj Jonás yi toqueꞌn tan pajleꞌn yi caꞌwl Kataj Ryos.
Yi caꞌp wekl (Cap. 2) na tal yi oración yi mban Jonás te yi at iꞌ swutz quimichil tul yi cay, nin ẍeꞌn claxeꞌn tan Ryos.
Yi toxeꞌn wekl (Cap. 3) na tal sketz yi ẍeꞌn chitxꞌixpul yi eꞌ aj Níneve yi cyajtzaꞌkl tan chixomeꞌn te Ryos.
Yi cyajeꞌn wekl (Cap. 4) na tal yi ẍeꞌn toqueꞌn Ryos tan makleꞌn wutz Jonás tan qui ẍchiꞌcheꞌn cꞌuꞌl te yi banl talmaꞌ iꞌ.