JOEL
Txꞌolbil Xoꞌl Yi Liwreꞌj
Joel biꞌ yi yaj yi tzꞌibanl tetz yi liwreꞌj. Qui na el katxum tetz naꞌj scyetz iꞌ, nka naꞌ nsajeꞌt, nka mbi tiempil yi stzꞌibxij yi liwr taꞌn. Ntin na tal yi iꞌ yi cyꞌajl Petuel.
Yi xeꞌ yi chusuꞌn yi at tul yi jun liwreꞌj iꞌtz, yi at tulbil jun chin chicaws yi eꞌ aj Israel tan paj yi qui na cyocsaj yol Ryos. Nchaꞌtz cyakil yi eꞌ mas tnum yi qui na cyek ẍchiꞌ Ryos tzꞌakꞌlok cyetz chicaws. Nin yi jun tiempaꞌtz na biꞌaj DÍA DEL SEÑOR le castiy. Ma le kayol na elepont yi kꞌejlal yil ticyꞌsaj Ryos cꞌuꞌl scyeꞌj yi eꞌ tetz contr.
Yi Weklil Yi Liwreꞌj
Yi bajx wekl (Cap. 1:1–2:11) na ẍchaj yi toqueꞌn Joel tan cꞌaseꞌn cyajtzaꞌkl tan chibansal quib tu Ryos.
Yi caꞌb wekl (Cap. 2:12-27) na ẍchaj yi list Ryos tan cuyleꞌn chipaj yi nink chibansan quib tuchꞌ.
Yi toxeꞌn wekl (Cap. 2:28–3:21) na ẍchaj yi eꞌchk techl yi sbajok yi ntaxk tzꞌul yi kꞌejlal yil ticyꞌsaj Ryos cꞌuꞌl scyeꞌj yi eꞌ tetz contr, ej nin yi balaj tiemp yi na chꞌiwan scyetz yi eꞌ xonl Israel.