DANIEL
Txꞌolbil Xoꞌl Yi Liwreꞌj
Yi liwr Daniel na jilon mas tibaj yi mbi sbajok sbneꞌ opon tunintz.
Tul yi bajx capítulo jalen yi kakeꞌn na jilon te yi mbi cuꞌn mbajij te Daniel tu yi ox tamiw yi chibeneꞌn pres jalen Babilonia. Nchaꞌtz na ẍchaj yi ẍeꞌn cuꞌn tkꞌol Ryos amaꞌl tetz Daniel tan teleꞌn xtxum tetz yi wutzicyꞌ yi rey Nabucodonosor, nin yi mbi na elepont.
Ma yi capítulo juk jalen te yi coblajeꞌn na jilon te cobox visión, yi nẍchaj tib swutz Daniel. Ej nin yi cyaj wutzicyꞌaꞌtz, na jop yi mbi sbajok te eꞌchk naciónaꞌtz yi na chibuch quib tan beneꞌn loꞌon chicaꞌwl beneꞌn tziꞌn wi munt. Nchaꞌtz na ẍchaj yi ẍeꞌn cuꞌn sbneꞌ Ryos tan xiteꞌn cuꞌn yi caꞌwl ẍchikꞌab eꞌ naciónaꞌtz bantz toqueꞌn cyen iꞌ tan cawuꞌn.
Yi Weklil Yi Liwreꞌj
Yi bajx wekl (Cap. 1–6) na jilon te Daniel tu yi ox tamiw.
Yi wutzicyꞌ yi rey Nabucodonosor (Cap. 2).
Yi chiclaxeꞌn yi ox tamiw Daniel tan Ryos (Cap. 3).
Yi teleꞌn ticyꞌleꞌn yi caꞌwl tkꞌab Nabucodonosor tetz juk yob (Cap. 4).
Yi tzꞌibxeꞌn cobox yol wutz tapij te yi na cawun tzaj Belsasar (Cap. 5).
Yi claxeꞌn Daniel ẍchikꞌab león tan Ryos (Cap. 6).
Yi caꞌp wekl (Cap. 7–12) na jilon te yi eꞌchk takleꞌn yi tilol Daniel tul wutzicyꞌ taneꞌn.
Yi cyaj txuc yi til Daniel tul wutzicyꞌ taneꞌn (Cap. 7).
Yi cneꞌr bak wiꞌ tu yi chin chiw yi til Daniel tul wutzicyꞌ taneꞌn (Cap. 8).
Yi jakol Daniel cuybil chipaj yi eꞌ tetz tanum (Cap. 9:1-19).
Yi mbi cuꞌn sbajok yil jepon tamp yi ox cꞌal tu lajuj seman (Cap. 9:19-27).
Yi eꞌchk visión yi til Daniel stziꞌ yi aꞌ Tigris (Cap. 10–12).