Baꞌn kacol kib te Kajcaw
142
1 Na chinẍchꞌin tetz Wajcaw. Na chinẍchꞌin tan teleꞌn kꞌajab sweꞌj.2 Choꞌn na chintzan tan xochoꞌn tetz iꞌ.
Choꞌn na chintzan tan talcheꞌn cyakil yi bis oꞌkl yi atin cuꞌnt.
3 Na te yi atin tul sotzaj cꞌuꞌlal, choꞌn na chinxochon tetz iꞌ.
Wajcaw na el xtxumuꞌ tetz yi mbi na chitxum yi eꞌ incontr sweꞌj.
Ja bnix jun tramp cyaꞌn tan incweꞌn tcꞌuꞌl.
4 Nin na noꞌc tan joyleꞌn yi atk jun tan wuchꞌeyeꞌn.
Poro quiꞌc jun. Cyaꞌl na pekꞌ tan wuchꞌeyeꞌn.
5 Chaꞌstzun te na cuꞌ inwutz teruꞌ Wajcaw.
Nin je inyoleꞌj yi na wal teruꞌ:
“Iluꞌ yi amaꞌl kale tzincolwit wib.
Quiꞌc jun at tzoneꞌj wi munt tan incolcheꞌn, ma na ntin cuꞌn iluꞌ.”
6 Tbiteꞌuꞌ bin yi na nokꞌ swutzuꞌ, na quiꞌct inwalor at.
Chin coleꞌuꞌ ẍchikꞌab yi eꞌ incontr yi na cyaj choꞌc tan intzꞌamleꞌn, na yi eꞌ cyetz, mas tcuꞌn cham eꞌ tzinwutz wetz.
7 Neꞌlk tanuꞌ liwr, neꞌlk tanuꞌ xetzeꞌ, bantz wakꞌol inkꞌajsbil teruꞌ.
Nin kol ẍchajuꞌ yi banluꞌ swetz, ẍchixomok tzun yi eꞌ balaj nak sweꞌj.