Quil sotz yi banl talmaꞌ Kataj yi at skibaj
136
1 Katyoẍink tetz Kajcaw, na chumbalaj nin iꞌ.Na yi banl talmaꞌ iꞌ quil sotz teraꞌtz.
2 Katyoẍink tetz iꞌ na iꞌ yi wiꞌtz Ryos swutz alchok ryosil tzoneꞌj wuxtxꞌotxꞌ.
Na yi banl talmaꞌ iꞌ quil sotz teraꞌtz.
3 Katyoẍink tetz iꞌ na iꞌ yi wiꞌtz ajcaw squibaj yi eꞌ ajcaw.
Na yi banl talmaꞌ iꞌ quil sotz teraꞌtz.
4 Katyoẍink tetz iꞌ, na ntin cuꞌn iꞌ na xcyeꞌ tan banleꞌn eꞌchk milawr.
Na yi banl talmaꞌ iꞌ quil sotz teraꞌtz.
5 Iꞌ bnol tetz yi tcyaꞌj tan yi tetz tajtzaꞌkl.
Na yi banl talmaꞌ iꞌ quil sotz teraꞌtz.
6 Iꞌ ancꞌuneꞌn yi aꞌ tan jaleꞌn txꞌotxꞌ.
Na yi banl talmaꞌ iꞌ quil sotz teraꞌtz.
7 Iꞌ bnol tetz yi eꞌchk lmak txekbil yi at tcyaꞌj.
Na yi banl talmaꞌ iꞌ quil sotz teraꞌtz.
8 Iꞌ bnol tetz yi kꞌej yi na txekun chajkꞌej.
Na yi banl talmaꞌ iꞌ quil sotz teraꞌtz.
9 Iꞌ bnol tetz yi xaw tu yi eꞌchk txꞌuml yi na chitxekun lakꞌbal.
Na yi banl talmaꞌ iꞌ quil sotz teraꞌtz.
10 Iꞌ biyon yi eꞌ bajx chinitxaꞌ yi eꞌ aj Egipto.
Na yi banl talmaꞌ iꞌ quil sotz teraꞌtz.
11 Iꞌ, eꞌ elsan tzaj yi eꞌ kaxonl jakꞌ chicaꞌwl yi eꞌ aj Egipto.
Na yi banl talmaꞌ iꞌ quil sotz teraꞌtz.
12 Tan yi tetz ẍchamil ja bnix cyakil yi eꞌchk milawraꞌtz.
Na yi banl talmaꞌ iꞌ quil sotz teraꞌtz.
13 Iꞌ jatxon cuꞌn yi Cyak Mar.
Na yi banl talmaꞌ iꞌ quil sotz teraꞌtz.
14 Iꞌ eꞌ icyꞌsan tzaj yi eꞌ kaxonl tul yi jun maraꞌtz.
Na yi banl talmaꞌ iꞌ quil sotz teraꞌtz.
15 Iꞌ jopon cuꞌn yi mar kale eꞌ bekꞌxeꞌt yi eꞌ sanlar yi faraón.
Na yi banl talmaꞌ iꞌ quil sotz teraꞌtz.
16 Iꞌ bajxij ẍchiwutz yi eꞌ tanum le amaꞌl tzꞌinunin tuꞌ.
Na yi banl talmaꞌ iꞌ quil sotz teraꞌtz.
17 Iꞌ biyon cuꞌn yi eꞌ wiꞌtz rey.
Na yi banl talmaꞌ iꞌ quil sotz teraꞌtz.
18 Iꞌ eꞌ sotzan cuꞌn yi eꞌ ajcawaꞌtz.
Na yi banl talmaꞌ iꞌ quil sotz teraꞌtz.
19 Iꞌ biyon cuꞌn Sehón, yi chireyil yi eꞌ amorreo.
Na yi banl talmaꞌ iꞌ quil sotz teraꞌtz.
20 Iꞌ biyon cuꞌn Og yi chireyil yi eꞌ aj Basán.
Na yi banl talmaꞌ iꞌ quil sotz teraꞌtz.
21 Iꞌ jatxon cuꞌn yi chiꞌamaꞌl yi eꞌ reyaꞌtz.
Na yi banl talmaꞌ iꞌ quil sotz teraꞌtz.
22 Nin ja takꞌ iꞌ sketz yi oꞌ xonl Israel.
Na yi banl talmaꞌ iꞌ quil sotz teraꞌtz.
23 Iꞌ moꞌc tan kuchꞌeyeꞌn yi muꞌl sotzaj cꞌuꞌlal skawutz.
Na yi banl talmaꞌ iꞌ quil sotz teraꞌtz.
24 Iꞌ na kacolon ẍchikꞌab yi eꞌ kacontr.
Na yi banl talmaꞌ iꞌ quil sotz teraꞌtz.
25 Iꞌ cꞌaꞌchanl ketz scyuchꞌ yi eꞌ txuc.
Na yi banl talmaꞌ iꞌ quil sotz teraꞌtz.
26 Katyoẍink bin tetz Kataj Ryos yi at jalen tziꞌn tcyaꞌj.
Na yi banl talmaꞌ iꞌ quil sotz teraꞌtz.