Ilenin skꞌukek kacꞌuꞌl te Kajcaw
131
1 Wajcaw, qui na wocsaj wib nim tu wajtzaꞌkl.Qui na chintzan tan telseꞌn chikꞌej yi eꞌ wunak.
Nin na el intxum tetz yi quiꞌc wetz tuchꞌ yi eꞌchk txumuꞌn, yi quiꞌc rmeril tan teleꞌn intxum tetz.
2 Ma na quiꞌc na imban, nin quiꞌc jun yol na wal.
Choꞌn cuꞌn wutaneꞌn chi taneꞌn jun niꞌ yi ja wiꞌt txutxun nin kꞌaluꞌn tan xtxuꞌ.
Choꞌn wutaneꞌn jaluꞌ chi jun niꞌ yi quiꞌc na ban, na nojnak cꞌuꞌl.
3 Chaꞌstzun kutaneꞌn ketz yi oꞌ xonl Israel.
Kꞌuklij kacꞌuꞌl te Kajcaw, nin skꞌukek kacꞌuꞌl teꞌj sbneꞌ opon tunintz.