Baꞌn kꞌukeꞌ kacꞌuꞌl te Kajcaw
130
1 Wajcaw, na cuꞌ intziꞌ teruꞌ, na choꞌn atin jalen tjul taneꞌn.2 Tbiteꞌuꞌ intziꞌ inkul, na na chinẍchꞌin tan jakleꞌn ẍchꞌeybil wetz teruꞌ.
3 Wajcaw, yi nak ocuꞌ tan xtxumleꞌn cyakil impaj, ja kloꞌ wiꞌt neꞌl cuꞌn tanuꞌ swutz.
4 Poro quiꞌ. Na list atiteꞌtuꞌ tan cuyleꞌn kapaj, bantz koqueꞌnt cꞌulutxum jakꞌ caꞌwluꞌ.
5 Choꞌn kꞌuklij incꞌuꞌl teꞌjuꞌ Wajcaw.
Nin choꞌn kꞌuklij incꞌuꞌl te yi yoluꞌ.
6 Choꞌn kꞌuklij incꞌuꞌl teꞌjuꞌ, na na chintzan tan ẍchꞌiweꞌnuꞌ, chi na chiban yi eꞌ qꞌuicyꞌlom tnum yi na cyal:
“Lok tzꞌul chan skil, lok tzꞌul chan skil,” cheꞌch.
7 Cyakil oꞌ, yi oꞌ xonl Israel, na katzan tan ẍchꞌiweꞌn Kajcaw, na katzan tan ẍchꞌiweꞌn yi banl talmaꞌ iꞌ, na tan iꞌ na keꞌleꞌt liwr.
8 Kelepon liwr yi oꞌ xonl Israel.
Kelepon liwr tkꞌab yi kil tan Kajcaw.