Yi banl Kataj yi na takꞌ iꞌ scyetz yi eꞌ yi eꞌ cꞌulutxum jakꞌ caꞌwl iꞌ
128
1 Baꞌn cyeri yi eꞌ yi na cyek ẍchiꞌ Ryos, nin yi eꞌ yi cꞌulutxum eꞌ jakꞌ yi tetz caꞌwl.2 Na yi eꞌaꞌtz ẍchiwank te yi cyakꞌun. Ẍchitzatzink, nin chumbalaj nin sbneꞌ cyakil yi mbil chiban.
3 Nchaꞌtz yi eꞌ quixkel, scyalaj wiꞌnin cyal.
Choꞌn cunin ẍchibneꞌ chi na ban jun wiꞌ uva yi na jal wiꞌnin wutz.
Nin yi chinitxajilaꞌtz, choꞌn cunin ẍchibneꞌ chi na xlumin yi taꞌkl jun wiꞌ oliw.
4 Yaꞌstzun sbajok scyeꞌj yi eꞌaꞌtz tan Kajcaw, yi eꞌ yi na cyek ẍchiꞌ iꞌ.
5 Lok takꞌ tzaj Kajcaw yi banl talmaꞌ squibaj, jalen wiꞌwtz Sión.
Lok quiluꞌ yil takꞌ iꞌ banl tibaj Jerusalén.
Iẍnink ateꞌuꞌ-tz yil bajij eꞌchk xtxolbilaꞌseꞌj.
6 Lok cyech ninuꞌ chiwutz yi eꞌ chimamajuꞌ.
Lok jal tzatzin paz beneꞌn tziꞌn le eꞌchk amaꞌl cwent Israel.