Ryos na akꞌon cyakil yi tajweꞌn sketz
127
1 Yi ko qui xomij Kajcaw skeꞌj yi na koꞌc tan banleꞌn jun caꞌl, quiꞌc na takꞌ cyakil yi eꞌchk akꞌun yi na chiban yi eꞌ bnol tetz.Mpe chumbalaj nink eꞌ tan banleꞌn yi eꞌchk akꞌunaꞌtz, quiꞌc xac sbneꞌ.
Nchaꞌtz yi ko quiꞌc Kajcaw tan qꞌuicyꞌleꞌn jun tnum, quiꞌc na takꞌ mpe ateꞌ-k qꞌuicyꞌlom tetz.
2 Nchaꞌtz ko qui kꞌuklij kacꞌuꞌl te Kataj,
quiꞌc na takꞌ sketz pe nink tzꞌel kawatl jalchan cunin tan akꞌun,
nin yil kakꞌuj jalen benak kꞌej tan xtxꞌacleꞌn jamel kawaꞌ,
na na oc iꞌ tan quichꞌeyeꞌn yi eꞌ yi xomcheꞌ te tetz tajbil, nin na takꞌ iꞌ chiwatl.
3 Je junt xtxolbileꞌj:
Cyakil yi eꞌ kanitxaꞌ yi na chijal,
Kajcaw na akꞌon tetz. Iꞌtz jun balaj oy yi na takꞌ iꞌ.
4 Ej nin yi eꞌ kanitxaꞌ yi na chijal yi oꞌ acꞌajeꞌt, niꞌcuꞌn tu flech yi at tkꞌab jun ajtxuquinl.
5 Baꞌn cyeri eꞌ yi at jun cꞌoloj yi eꞌchk flechaꞌtz ẍchikꞌab. Na quil tzꞌel chikꞌej tan chicontr.
Nin yi eꞌ pujul xtisyaꞌ, chixobok cyetz na xomcheꞌ jun cꞌoloj qꞌuicyꞌlom cyetz.