Jun oración tan takꞌleꞌn kakꞌajsbil tetz Kataj yi na keꞌl liwr ẍchikꞌab kacontr
126
1 Yi xtxꞌixpeꞌn kaswert tan Kajcaw, quinin kocsaj yi ko iꞌtz yi bintzi, na icuꞌn wutzicyꞌ tuꞌ nkulej.2 Na ja katzatzin, nin ja kaẍchꞌin tan yi tzatzin yi atoꞌ cuꞌnt. Nin yi eꞌ yi qui na cyek ẍchiꞌ kaRyosil ja cyal: “Iꞌtz yi cyetz cyajcawil yi mmoꞌc tan quichꞌeyeꞌn,” cheꞌch.
3 Nin bintzi, ja oc Kajcaw tan kuchꞌeyeꞌn, na ja ban iꞌ wiꞌnin eꞌchk milawr tan kuchꞌeyeꞌn nin jaluꞌ na katzatzin.
4 Kajcaw, xtxꞌixpeꞌn binuꞌ kaswert kacyakil cuꞌn chi na ban jun amaꞌl skajwutz yi na cuꞌ aꞌbal tibaj.
5 Na yi eꞌ yi chin qꞌuixbel nin na chiban tan tawleꞌn jun ujul, wiꞌnin na chitzatzin yi na jeꞌ cosech cyaꞌn.
6 Pe nak sotz chicꞌuꞌl, nin na chibisun yi na chiben tan tawleꞌn yi ij, poro yi na chiben tan jeꞌseꞌn yi cosech na chibitzin tan biꞌl tzatzin, na ekaꞌn yi cosech cyaꞌn yil chuꞌl tzaj.