Na oc Wajcaw tan wuchꞌeyeꞌn tul eꞌchk sotzaj cꞌuꞌlal
120
1 Te yi na ul sotzaj cꞌuꞌlal tzinwutz, na cuꞌ inwutz tetz Wajcaw, nin na stzaꞌwej iꞌ intziꞌ inkul.2 Wajcaw, chin coleꞌuꞌ na qui na waj chinxom te cyajtzaꞌkl yi eꞌ laꞌj, yi eꞌ yi na chijal cuꞌn wi cyakꞌ.
3 ¿Poro mbil takꞌ scyetz yi eꞌ laꞌjaꞌtz yi na chijal cuꞌn wi cyakꞌ? Quiꞌc ltakꞌ scyetz.
4 Na tzꞌul jun chicaws, yi niꞌcuꞌn ẍchꞌonal tu ẍchꞌonal eꞌchk flech yi chin juyuch nin wiꞌ. Nin niꞌcuꞌn sbneꞌ chicaws tu xtxaꞌ kꞌakꞌ yi cuꞌnak tunin jatx.
5 Te yi atin ẍchixoꞌl yi eꞌ laꞌjaꞌtz, niꞌcuꞌn yi choꞌnk najlchin ẍchixoꞌl yi eꞌ tu Mesec, yi chin txuc nin eꞌ. Nin niꞌcuꞌn yi choꞌnk at innajbil ẍchixoꞌl yi eꞌ tu Cedar, yi chin juntlen nin eꞌ.
6 Ja icyꞌ impaj tan najeweꞌn ẍchixoꞌl yi eꞌ wunakaꞌtz yi ntin oyintziꞌ cyaꞌn.
7 Yi na waj yil jal tzatzin paz skaxoꞌl, ntin oyintziꞌ na cyaj cyetz.