Yi na ul txꞌakx tkacꞌuꞌl yi cyeleꞌn tzaj yi eꞌ kamam kateꞌ Egipto
114
1 Yi cyeleꞌn tzaj yi eꞌ kaxonl Israel, yi eꞌ xonl Jacow, le tnum Egipto, yi chiꞌamaꞌl yi eꞌ awer nak,2 yaꞌstzun yi cyoqueꞌn yi eꞌ xonl Judá tetz najbil Ryos. Nin yaꞌstzun yi cyoqueꞌn yi eꞌ aj Israelaꞌtz jakꞌ caꞌwl iꞌ.
3 Ej nin yi beneꞌn tilol yi mar yi eꞌ xonl Israelaꞌtz, ja tzun el ojk ẍchiwutz taneꞌn. Nin yi aꞌ Jordán ja aj le jeꞌnak.
4 Nchaꞌtz yi eꞌchk juꞌwtz, ja chitzꞌitpun chi na chiban yi eꞌ tal neꞌẍ chiw scyuchꞌ eꞌ neꞌẍ cneruꞌ.
5 Aẍ mar, ¿mbi tzuntz yi ncẍeꞌl ojk? Nin aẍ aꞌ Jordán ¿mbi tzuntz yi ncẍaꞌj le jeꞌnak?
6 Nchaꞌtz axwok eꞌchk juꞌwtz ¿ẍeꞌn mban yi nxoꞌcwok tan tzꞌitpuꞌn chi na chiban eꞌ neꞌẍ chiw scyuchꞌ yi eꞌ tal cneꞌr?
7 Poro baꞌn ko na lucneꞌ yi wuxtxꞌotxꞌ swutz Kajcaw yi Ryosil Jacow.
8 Na ja xcyeꞌ iꞌ tan xtxꞌixpeꞌn eꞌchk wutz cꞌub tetz lawun, nin nchaꞌtz yi eꞌchk cꞌub tetz boꞌm.