Kꞌajsbil tetz Kajcaw
113
1 Kakꞌeꞌ kakꞌajsbil tetz Kajcaw yi oꞌ ẍchakum iꞌ.2 Kakꞌeꞌ kꞌej yi tetz biꞌ jaluꞌ nin sbneꞌ opon tunintz.
3 Cyakꞌeꞌuꞌ chikꞌajsbiluꞌ tetz yi eꞌuꞌ yi ateꞌuꞌ teleꞌn tziꞌn nin toqueꞌn tziꞌn.
4 Na iꞌ ajcaw tibaj cyakil eꞌchk nación.
Chin wutzileꞌn nin yi tetz kꞌej.
Nin quiꞌc stzajsbil wiꞌ.
5 Cyaꞌl jun yi choꞌn nink chi taneꞌn iꞌ, na choꞌn najlij iꞌ jalen tziꞌn tcyaꞌj.
6 Nin na cꞌoꞌeꞌ tzaj iꞌ tan xmayeꞌn yi tcyaꞌj tu yi wuxtxꞌotxꞌ.
7 Yi eꞌ yi quiꞌc ateꞌ cuꞌnt, na chijeꞌ tzaj taꞌn tcꞌuꞌl meꞌbaꞌil.
8 Nchaꞌtz na takꞌ iꞌ amaꞌl scyetz tan chicꞌoleweꞌn chixlaj yi eꞌ wiꞌtz ajcaw, yi cyajcawil yi tetz tanum.
9 Na takꞌ chikꞌej yi eꞌ xnaꞌn yi quiꞌc cyalbil.
Na yi na el tiemp na jal cyal tan yi tetz porer.
Nin na chitzatzin le cyetz chinajbil.
Kakꞌeꞌ bin kakꞌajsbil tetz iꞌ.