Katyoẍink tetz Kataj na iꞌ bnol ketz
100
1 Yi eꞌuꞌ yi ateꞌuꞌ beneꞌn tziꞌn wi munt cyakꞌeꞌuꞌ chikꞌajsbiluꞌ tetz Kataj.2 Tzatzin cuꞌn chibneꞌuꞌ chimunluꞌ swutz iꞌ. Tzatzin cuꞌn chibitzinuꞌ swutz tan takꞌleꞌn kꞌej iꞌ.
3 Eliꞌch te chicꞌuꞌluꞌ yi Kataj iꞌ kaRyosil. Iꞌ bnol ketz.
Ej nin oꞌ tetz, oꞌ tanum iꞌ. Niꞌcuꞌn chi oꞌ-k cneruꞌ yi na chiwan le tetz cojbil.
4 Yi na choꞌcuꞌ le puertil yi tetz caꞌl baꞌn chityoẍinuꞌ tetz.
Nin yi na choꞌcuꞌ wutzkꞌanil yi tetz caꞌl tan takꞌleꞌn chikꞌajsbiluꞌ swutz iꞌ, chityoẍinkuꞌ tetz, nin cyakꞌeꞌuꞌ kꞌej yi tetz biꞌ.
5 Na chumbalaj nin iꞌ. Quinin bajsbeꞌn tetz yi banl talmaꞌ iꞌ. Nin baꞌn kꞌukeꞌ kacꞌuꞌl teꞌj sbneꞌ opon tunintz.