Taꞌ, sajk chanuꞌ tan wuchꞌeyeꞌn
(Sal 40:13-17)
70
1 Iluꞌ inRyosil, chincoleꞌuꞌ.Sajkchanuꞌ tan wuchꞌeyeꞌn.
2 Yi wajbil Taꞌ iꞌtz:
Yi nink tzꞌel chitxꞌix yi eꞌ yi na cyaj yil chinquim wetz.
Subcunuꞌ yi chitxumuꞌn, na na cyaj yil chinloꞌon.
3 Lok cheꞌl ojk yi eꞌaꞌtz yi na chitzeꞌen sweꞌj.
4 Poro takꞌ tzajuꞌ tzatzin scyetz cyakil yi eꞌ yi na chitzan tan joyleꞌn puntil tan chixomeꞌn teꞌjuꞌ.
Nin yil choꞌc tan joyleꞌn ẍchꞌeybil cyetz teruꞌ, nink cyal: “Chin cham nin yi Kataj.”
5 Ma yi in wetz Taꞌ, yi nternin na chimbisun, bneꞌuꞌ pawor. Sajkchanuꞌ tan wuchꞌeyeꞌn.
Na ntin cuꞌn iluꞌ xcyekuꞌ tan wuchꞌeyeꞌn nin tan incolpeꞌn.
Quiꞌk ẍchꞌiwuꞌ mas tiemp. Sajkuꞌ tan wuchꞌeyeꞌn.