Tajweꞌn cyakꞌ cyakil wunak chikꞌajsbil tetz Kataj
67
1 Taꞌ, elk kꞌajabuꞌ skeꞌj.Nin takꞌ tzajuꞌ yi banluꞌ skibaj.
Lok tzatzinuꞌ skeꞌj,
2 bantz teleꞌn chitxum cyakil wunak beneꞌn tziꞌn wi munt, yi at banl talmaꞌuꞌ skibaj, nin yi iluꞌ colol ketz.
3 Taꞌ, lok cyakꞌ cyakil wunak chikꞌajsbil teruꞌ.
Lok cyakꞌ chikꞌajsbil tan takꞌleꞌn kꞌejuꞌ.
4 Lok chitzatzin cyakil wunak beneꞌn tziꞌn, na na cawunuꞌ squibaj.
Na iluꞌ xicyol tetz cyakil nación.
Nin puntil cuꞌn na cawunuꞌ.
5 Taꞌ, lok cyakꞌ cyakil wunak chikꞌajsbil teruꞌ.
Lok cyakꞌ chikꞌajsbil tan takꞌleꞌn kꞌejuꞌ.
6 Yi cojbil, ja wiꞌt takꞌ balaj cosech, na ja takꞌuꞌ yi banluꞌ skibaj, na iluꞌ kaRyosil.
7 Iluꞌ kaRyosil, takꞌ tzajuꞌ yi banluꞌ skibaj, bantz cyakꞌol cyakil wunak yi kꞌejuꞌ.