Chin juntlen nin cyajtzaꞌkl yi eꞌ mal nak
53
1 Ẍchiwutz yi eꞌ yab quiꞌc Ryos at.Yi eꞌaꞌtz quiꞌc muꞌẍ tal chixac.
Nin yi eꞌchk takleꞌn yi na chiban, chin xaꞌbil nin.
Cyaꞌl jun yi najk pekꞌ tan banleꞌn yi eꞌchk takleꞌn balaj.
2 Poro yi Kataj Ryos na xmayin tzaj jalen tziꞌn tcyaꞌj.
Na tzan iꞌ tan tilweꞌn yi ko at jun wunak yi at tajtzaꞌkl, jun wunak yi na tzan tan xtxumleꞌn iꞌ.
3 Poro cyaꞌl jun najk tzan tan joyleꞌn Ryos, na eꞌ cuꞌn txꞌakxnak.
Cyaꞌl jun najk pekꞌ tan banleꞌn yi eꞌchk takleꞌn balaj.
Siquier jun.
4 Yi eꞌ mal nakaꞌtz quiꞌc muꞌẍ cyajtzaꞌkl.
Na na chiban wiꞌnin takleꞌn yi cachiꞌ.
Nin na choꞌc tan chibajseꞌn yi eꞌ intanum, chi na chiban tan bajseꞌn pam.
Siquier muꞌẍ tal nak cyek ẍchiꞌ Ryos.
5 Poro tzꞌopon jun kꞌej yi ẍchixobok.
Mpe quiꞌck na bajij, poro yi cyetz, chichuc ẍchixoꞌwsajeꞌ quib.
Na tzꞌocopon Ryos tan chixiteꞌn cuꞌn junawes, na tzꞌocopon tan xiteꞌn chibakil.
Chocopon taꞌn tetz chitzeꞌlbeꞌtz wunak, na qui na pekꞌ iꞌ te cyajtzaꞌkl.
6 Choꞌnk saj yi colol ketz yi oꞌ xonl Israel wi Sión.
Nin katzatzink yil kamolxij junt tir, yi oꞌ, yi oꞌ tanum Ryos, yi elnakoꞌ xit beneꞌn tziꞌn wi munt.
Tircuꞌn oꞌ, oꞌ xonl Jacow, oꞌ xonl Israel, skatzatzink yil kamolxij junt tir.