Yi eꞌ yi baꞌn chinajeꞌ tu Ryos
15
1 Wajcaw, ¿naꞌ scyetz eꞌ yi baꞌn chinajeꞌ le najbiluꞌ, yi chin xan nin?¿Naꞌ scyetz eꞌ yi baꞌn chinajeꞌ wi juꞌwtz kale najleꞌtuꞌ?
2 Ntin cuꞌn yi eꞌ yi tzꞌaknak cuꞌn, yi eꞌ yi na chiban yi eꞌchk takleꞌn balaj, yi eꞌ yi na cyal yi mero bintzi, yi quiꞌc txꞌotxꞌ te chiyol.
3 Ntin cuꞌn eꞌ yi qui na choꞌc tan yolcheꞌn junt, yi qui na chinucꞌ cyen jun eꞌchk takleꞌn cachiꞌ te cyamiw, yi qui na cyakꞌeꞌn jun cꞌoloj yol te chiwisin.
4 Ntin cuꞌn eꞌ yi qui na cyakꞌ chikꞌej yi eꞌ mal nak, ma na ntin na cyakꞌ chikꞌej yi eꞌ yi na cyek ẍchiꞌwuꞌ.
Ntin cuꞌn eꞌ yi na el chikꞌab te chiyol, mpe nink chitzꞌakon tan paj.
5 Ntin cuꞌn eꞌ yi qui na chijak taꞌal chipuꞌk yi na cyakꞌ chipuꞌk tan cꞌmoꞌniꞌn.
Ntin cuꞌn eꞌ yi qui na chipwokin tan takꞌleꞌn til jun yi quiꞌc paltil.
Cyakil yi eꞌ yil chiban taneꞌn yi xtxolbilaꞌseꞌj, quil chipoꞌtij cyeraꞌtz.