Jakleꞌn ẍchꞌeybil ketz tetz Ryos
13
1 Wajcaw ¿tonaꞌ nin nuꞌl txꞌakx tcꞌuꞌluꞌ?¿Junawes peꞌ ja neꞌl te cꞌuꞌluꞌ?
¿Tonaꞌ nin quiꞌt tew tibuꞌ tzinwutz?
2 Taꞌ ¿tonaꞌ nin quiꞌt chimbisun?
¿Tonaꞌ nin quiꞌt tzintij qꞌuixcꞌuj?
¿Tonaꞌ nin quiꞌt chicawun yi eꞌ incontr sweꞌj?
3 Wajcaw, iluꞌ inRyosil.
Elk kꞌajabuꞌ sweꞌj.
Tbiteꞌuꞌ inyol, ẍeꞌnk chintzatzin junt tir.
Na i waj yi quil chinquim chan.
4 Bantz quil cyal incontr: “Ja kaxcyeꞌ teꞌjx.”
Na kol chinquim, chitzatzink yi eꞌ incontraꞌtz sweꞌj.
5 Poro yi in wetz choꞌn nin kꞌuklij incꞌuꞌl te yi banl talmaꞌuꞌ.
Nin yi walmaꞌ ilenin na tzatzin, na iluꞌ colol wetz.
6 Wajcaw, ilenin swakꞌeꞌ inkꞌajsbil teruꞌ.
Na wiꞌnin banl talmaꞌuꞌ swibaj.