Ntin cuꞌn te Kataj baꞌn kꞌukeꞌ kacꞌuꞌl
4
1 Taꞌ iluꞌ inRyosil.Tbiteꞌuꞌ intziꞌ inkul, yi na injak ẍchꞌeybil wetz teruꞌ Taꞌ.
Nin te yi atin tul sotz cꞌuꞌlal, na takꞌuꞌ maysbil wetz.
Elk bin kꞌajabuꞌ sweꞌj nin tbiteꞌuꞌ yi intziꞌ yi inkul.
2 Ma yi axwok yi na chiꞌch icꞌuꞌl sweꞌj:
¿Tonaꞌ nin cxtaneꞌwok tan inyolcheꞌn?
¿Nxac na cxtzanwok tan talcheꞌn jun xtxolbil yi quiꞌc xeꞌ, jun xtxolbil yi nkꞌeraꞌtz bintzi?
3 Elk itxum tetz:
Ryos na txaꞌoneꞌn yi eꞌ balaj tetz tetz.
Nchaꞌtz elk itxum tetz:
Yi na tbit Ryos intziꞌ inkul.
4 Baꞌn tcuꞌn xobeꞌnwok tetz, nin quiꞌt tzijuch itil.
Te yi na el iwatl wi isoc, txumwok yi mbi na iban.
Nin cyajswok cyen yi eꞌchk itajtzaꞌklaꞌtz yi cachiꞌ.
5 Akꞌwok itxꞌixwatz tetz cuꞌn italmaꞌ.
Nin kꞌukek icꞌuꞌl te Kataj.
6 Wiꞌnin eꞌ na cyal:
¿Naꞌ scyetz jun lchajon yi baꞌn sketz?
¡Kataj! lok tzatzinuꞌ skeꞌj.
7 Na ntin iluꞌ na akꞌon yi tzatzin tetz walmaꞌ.
Mas nim yi jun tzatzinaꞌtz yi na takꞌuꞌ, swutz yi eꞌ yi na jal jun cꞌoloj chicosech.
8 Ntyoẍ teruꞌ Taꞌ yi tzatzin cuꞌn na chincoyeꞌ cuꞌn, nin jalcunin na saj inwatl.
Ntyoẍ teruꞌ Taꞌ yi choꞌn kꞌuklij incꞌuꞌl teꞌjuꞌ.
Nin iluꞌ teꞌn na akꞌon yi jun ajtzaꞌklaꞌtz swetz.