SALMOS
Txꞌolbil Xoꞌl Yi Liwreꞌj
Yi liwreꞌj, iꞌtz chibitzbil yi eꞌ xonl Israel. Ej nin at wiꞌnin oración tul. Ja xcon sajleꞌn tu nintz cyaꞌn kajwutz tan takꞌleꞌn kꞌej Ryos te yi na choꞌc tan nachleꞌn Ryos tulak chicmon. Nchaꞌtz iꞌtz jun liwr tetz poesia, nin na jilon mas tib Ryos swutz alchok jilwutz liwr yi at tul Yol Kataj. At 150 salmo tul yi liwreꞌj, nin at oꞌ wekl yi liwr.
Yi na tzaj wiꞌ yi wiꞌtzbil capítulo te jujun weklaꞌtz na tzajpon tan jun nka cobox versículo yi na takꞌ kꞌej tu kꞌajsbil tetz Kataj Ryos.
Te yi 150 salmoaꞌtz, at jun cꞌoloj yi stzꞌibnak yi rey Luwiy. Ej nin at cobox yi stzꞌibnak yi rey Salomón, nin at coboxt yi chitzꞌibnak coboxt yaj. Poro ilenin na naꞌwsaj chibiꞌ tul eꞌchk salmoaꞌtz yi nchitzꞌib.
At wiꞌnin jilwutz salmo: At yi niꞌcuꞌn tu jun bitz yi na takꞌ kꞌajsbil tetz Ryos, yi na xcon tan cꞌuꞌlajeꞌn iꞌ. Ej nin at salmo yi na xcon tan jakleꞌn ẍchꞌeybil ketz. Nchaꞌtz at salmo yi baꞌn na xcon kaꞌn tan jakleꞌn cuybil kapaj nka tan jakleꞌn chicaws yi eꞌ kacontr.
Yi weklil yi liwreꞌj
Yi bajx wekl iꞌtz (Cap. 1–41).
Yi caꞌp wekl iꞌtz (Cap. 42–72).
Yi toxeꞌn wekl iꞌtz (Cap. 73–89).
Yi cyajeꞌn wekl iꞌtz (Cap. 90–106).
Yi toꞌiꞌn wekl iꞌtz (Cap. 107–150).