10
1 Itzun yi rey Asuero, nintzun bixeꞌ jun cutxuj taꞌn yi tajweꞌn tan cyakꞌol cyakil wunak. Tajweꞌn tan cyakꞌol cyakil yi eꞌ yi najlcheꞌ tulak eꞌchk amaꞌl yi at beneꞌn tziꞌn, tuml eꞌchk amaꞌl yi at nicyꞌal mar. Tajweꞌn tan cyakꞌol chicyakil cuꞌn.2 Ej nin cyakil yi eꞌchk caꞌwlaꞌtz yi bixeꞌnak tan yi rey tu cyakil yi xtxolbil yi ẍeꞌn cunin ban yi toqueꞌn cyen Mardoqueo tetz caꞌp ajcaw xlaj yi rey, tzꞌibxij kale tzꞌibaneꞌt yi eꞌchk xtxolbil te yi mbi cuꞌn bajij te yi nación tetz Media tu Persia.
3 Bixeweꞌn tzun Mardoqueo tetz caꞌp bajxom xlaj yi rey Asuero. Nin jal kꞌej ẍchiwutz cyakil yi eꞌ judiy. Nin wiꞌnin nchipekꞌ teꞌj tan paj yi oc iꞌ tan joyleꞌn puntil yi ẍeꞌn cuꞌn chiclaxeꞌn nin tan quichꞌeyeꞌn te cyakil eꞌchk takleꞌn.