Yi jeꞌn yi censo tan Nehemías
11
1 Itzun bantz choꞌn tzun eꞌ cyajeꞌn cyen yi eꞌ ajcaw tetz tnum tan najeweꞌn Jerusalén. Ma yi eꞌ mas wunak nintzun oc txꞌiluꞌn. Lajlaj tzun najal eꞌ bajeꞌn quilel. Nin te yi lajlaj najalaꞌtz jun ntziꞌ najal tajweꞌn tan chinajeweꞌn Jerusalén, yi amaꞌl yi wiꞌnin xanil. Ma yi eꞌ mas najal choꞌn ẍchinajank tulak eꞌchk mas tnum.2 Cyakꞌol tzun yi eꞌ mas wunak chibanl squibaj yi eꞌaꞌtz yi tetz cuꞌn cyalmaꞌ eꞌ cyajeꞌn cyen tan najeweꞌn Jerusalén. 3 Ntin yi eꞌ ajcaw scyetz yi eꞌ xonl Israelaꞌtz, choꞌn chicyajeꞌn cyen tan najeweꞌn Jerusalén. Ma yi eꞌ mas xonl Israel, scyuchꞌ yi eꞌ paleꞌ, scyuchꞌ yi eꞌ xonl Leví, scyuchꞌ yi eꞌ chakum le templo, scyuchꞌ yi eꞌ mos kꞌajtzun Salomón, choꞌn chinajeweꞌn tul eꞌchk mas tnum cwent Judá. Ẍchijunaleꞌn cuꞌn te chiꞌamaꞌl.
4 Je chibiꞌ cobox xonl Judá tu yi cobox xonl Benjamín yi eꞌ cyaj cyen Jerusalén.
Yi chibiꞌ yi eꞌ xonl Judá iꞌtz:
Ataías yi cyꞌajl Uzías, nin yi Uzíasaꞌtz, iꞌ yi cyꞌajl Zacarías.
Ma Zacarías iꞌ cyꞌajl Amarías.
Ma Amarías iꞌ cyꞌajl Sefatías.
Ma Sefatías iꞌ cyꞌajl Mahalaleel.
Ma Mahalaleel iꞌ xonl Fares.
5 Yi junt xonl Judá iꞌtz Maasías, yi cyꞌajl Baruc.
Ma Baruc iꞌ cyꞌajl Colhoze.
Ma Colhoze iꞌ cyꞌajl Hazaías.
Ma Hazaías iꞌ cyꞌajl Adías.
Ma Adías iꞌ cyꞌajl Joiarib.
Ma Joiarib iꞌ cyꞌajl Zacarías, yi cyꞌajl Siloni.
6 Cyakil yi eꞌ xonl Faresaꞌtz yi eꞌ cyaj cyen tan najeweꞌn le tnum Jerusalén, iꞌtz cyaj cient tu oxcꞌal tu wajxak chixoneꞌn, nin cyakil yi eꞌaꞌs nsken tzꞌak chiyob.
7 Ma yi eꞌ xonl Benjamín iꞌtz:
Salú yi cyꞌajl Mesulam.
Ma Mesulam iꞌ cyꞌajl Joed.
Ma Joed iꞌ cyꞌajl Pedaías.
Ma Pedaías iꞌ cyꞌajl Colaías, yi cyꞌajl Maasías.
Ma Maasías iꞌ cyꞌajl Itiel.
Ma Itiel iꞌ cyꞌajl Jesaías.
8 Nchaꞌtz ja chicyaj cyen yi eꞌ titzꞌun Salú Jerusalén. Je chibiꞌeꞌj: Gabai tu Salai. Cyakil yi eꞌ xonl Benjamínaꞌtz, iꞌtz beluj cient tu junak wajxak chixoneꞌn. 9 Nin yi cyajcawil, iꞌtz Joel yi cyꞌajl Zicri, tu Judá yi cyꞌajl Senua, yi caꞌp ajcaw tetz tnum.
10 Ma yi eꞌ paleꞌ yi eꞌ cyaj cyen le tnum iꞌtz:
Jedaías, yi cyꞌajl Joiarib, nin Jaquín.
11 Nin Seraías yi cyꞌajl Hilcías.
Ma Hilcías iꞌ cyꞌajl Mesulam.
Ma Mesulamaꞌtz iꞌ cyꞌajl Sadoc.
Ma Sadoc iꞌ cyꞌajl Meraiot yi cyꞌajl Ahitob.
Yi jun Seraíasaꞌtz, iꞌ yi wiꞌtz ajcaw xe caꞌl Kataj.
12 Nchaꞌtz ja chicyaj cyen mas paleꞌ yi na chakꞌuj xe caꞌl Kataj. At wajxak cient tu junak cob chixoneꞌn.
Nin nchaꞌtz cyaj cyen yi paleꞌ yi na biꞌaj Adaías, yi cyꞌajl Jeroham.
Ma yi Jerohamaꞌtz iꞌ cyꞌajl Pelalías.
Ma Pelalías iꞌ cyꞌajl Amsi.
Ma Amsi iꞌ cyꞌajl Zacarías.
Ma Zacarías iꞌ cyꞌajl Pasur.
Ma Pasur iꞌ cyꞌajl Malquías.
13 Nchaꞌtz at cob cient tu caꞌwunak cob xonl Adaías yi eꞌ cyaj cyen tan najeweꞌn le tnum Jerusalén. Nin yi eꞌaꞌs, eꞌ len cuꞌn ajcaw te jujun kꞌuꞌj najal.
Nchaꞌtz cyaj cyen Amasai yi cyꞌajl Azareel.
Ma yi Azareelaꞌtz iꞌ cyꞌajl Azai.
Nin yi Azai iꞌ cyꞌajl Mesilemot, yi cyꞌajl Imer.
14 Yi tajlal chixoneꞌn yi eꞌ cyaj cyen tan najeweꞌn Jerusalén scyeri eꞌ xonl Amasai, iꞌtz jun cient tu junak wajxak chixoneꞌn. Nin yi eꞌaꞌtz yi eꞌ oc tajlal, iꞌtz yi eꞌ yi nsken tzꞌak chiyob. Nin yi chibajxom iꞌtz Zobdiel yi cyꞌajl Gedolim.
15 Ma ẍchixoꞌl yi eꞌ xonl Leví yi eꞌ cyaj cyen tan najeweꞌn Jerusalén, at Semaías yi cyꞌajl Hasub, yi Hasubaꞌtz iꞌ cyꞌajl Azricam.
Ma Azricam iꞌ cyꞌajl Hasabías.
Ma Hasabías iꞌ cyꞌajl Buni.
16 Nin cyaj cyen Sabetai tu Jozabad, yi cyajcawil yi eꞌ xonl Leví. Nchaꞌtz eꞌ ajcaw scyeꞌj yi eꞌ akꞌunwil yi nchakꞌuj wutzkꞌanil yi caꞌl Kataj.
17 Nin nchaꞌtz cyaj cyen junt paleꞌ yi na biꞌaj Matanías yi cyꞌajl Micaía.
Yi Micaíajaꞌtz, iꞌ cyꞌajl Zabdi.
Ma Zabdi iꞌ cyꞌajl Asaf. Yi Asafaꞌtz iꞌ bajxom scyeꞌj yi eꞌ ajbitz yi na chixcon tan tyoẍiꞌn, nin tan cꞌuꞌlajeꞌn Kataj.
Ej, nin nchaꞌtz cyaj cyen Bacbuquías yi caꞌp cyꞌajl Abda.
Yi Abdajaꞌtz, iꞌ cyꞌajl Samúa.
Ma Samúa iꞌ cyꞌajl Galal.
Ma Galal iꞌ cyꞌajl Jedutún.
18 Yi tajlal chixoneꞌn yi eꞌ xonl Leví yi eꞌ cyaj cyen Jerusalén, yi tnum yi wiꞌnin xanil, iꞌtz cob cient tu jun mutxꞌ tu cyaj chixoneꞌn.
19 Nchaꞌtz yi eꞌ qꞌuicyꞌlom sawan yi eꞌ cyaj cyen tan chinajeweꞌn Jerusalén, iꞌtz: Acub, Talmón, scyuchꞌ eꞌ chixonl. Iꞌtz jun cient tu oxcꞌal tu coblaj chixoneꞌn.
20 Ma yi eꞌ mas xonl Israel, scyuchꞌ yi eꞌ mas paleꞌ, scyuchꞌ yi eꞌ mas xonl Leví, choꞌn eꞌ najeweꞌn lakak mas tnum cwent Judá. Ẍchijunaleꞌn cuꞌn te yi chiꞌamaꞌl.
21 Ma yi eꞌ yi na chakꞌuj le caꞌl Kataj, choꞌn chinajeweꞌn Jerusalén, le jun amaꞌl yi na biꞌaj Ofel. Yi chibajxom iꞌtz, Ziha tu Gispa.
22 Nin yi cyajcawil yi eꞌ xonl Leví yi eꞌ cyaj cyen Jerusalén iꞌtz, Uzi yi cyꞌajl Bani. Yi Bani iꞌ cyꞌajl Hasabías, yi cyꞌajl Atanías, yi cyꞌajl Micaías. Eꞌ len cuꞌn xonl Asaf, nin eꞌ len cuꞌn ajbitz xe caꞌl Kataj. 23 At eꞌchk caꞌwl yi cyajnak cyen tkꞌol yi rey yi tajweꞌn tan chixconeꞌn ajbitz le caꞌl Kataj cyakil kꞌej. Ej, nin cyakil eꞌ akꞌlij len chitarey. 24 Ej, nin cyaj cyen Petaías yi cyꞌajl Mesezabeel, jun scyeri xonl Zera, yi cyꞌajl Judá, tetz kꞌajbil rey ẍchiwutz yi eꞌ mas tanum.
Yi eꞌchk amaꞌl kale eꞌ aꞌteꞌt yi eꞌ mas xonl Israel
25 Choꞌn tzun cyoponeꞌn yi eꞌ mas xonl Judá tan najeweꞌn le amaꞌl Quiriat-arba, Dibón, Jecabseel.
26 Nin at eꞌ, eꞌ najeꞌ le yi amaꞌl Jesúa, Molada, Bet-pelet, 27 nin Hazar-sual, Beerseba, nin cyakil yi eꞌchk tal neꞌẍ aldey yi at cwent. 28 Nin nchaꞌtz at eꞌ, eꞌ najeꞌ Siclag, Mecona, tu yi eꞌchk aldeyil yi at cwent.
29 Nin at eꞌ, eꞌ aꞌtij le amaꞌl En-rimón, Zora, Jarmut. 30 Nin Zanoa, Adulam tuml cyakil yi eꞌchk aldeyil. Nin at eꞌ, eꞌ najeꞌ Laquis, Azeca tuml yi eꞌchk aldey nakaꞌjil. Choꞌn xeꞌteꞌn tzaj chiꞌamaꞌl Berseba, jalen tjocoꞌj Hinom.
31 Ma yi eꞌ xonl Benjamín yi qui eꞌ cyaj Jerusalén, choꞌn cyaꞌteꞌn le amaꞌl Geba, Micmas, Aía, Bet-el tuml yi eꞌchk aldey yi at cwent. 32 Nin le tnum Anatot, Nob, Ananías. 33 Hazor, Ramá, Gitaím, 34 Habdi, Seboim, Nebalat, 35 Lod, Ono, jalen tjocoꞌj kale najlcheꞌt yi eꞌ ajchemol.
36 Nchaꞌtz ateꞌ cobox xonl Leví yi akꞌlij chiꞌamaꞌl ẍchixoꞌl yi eꞌ xonl Judá nin ẍchixoꞌl yi eꞌ xonl Benjamín.