Yi chibixeweꞌn cobox ajcaw tan Nehemías
7
1 Itzun bantz yi bnixeꞌn yi tapij, nin yi sken oc eꞌchk sawan, nintzun eꞌ bixeꞌ cobox qꞌuicyꞌlom sawan waꞌn, nin cobox aj bitz, scyuchꞌ cobox scyeri eꞌ xonl Leví tan chixconeꞌn xe caꞌl Kataj. 2 Nintzun eꞌ inchak yi witzꞌun Hanani,a tu Hananías yi chibajxom sanlar. Nin eꞌ bixeꞌ waꞌn tetz ajcaw ẍchixoꞌl yi eꞌ aj Jerusalén. Yi Hananíasaꞌtz iꞌ jun balaj yaj yi baꞌn kꞌukeꞌ kacꞌuꞌl teꞌj, na mas na tek iꞌ ẍchiꞌ Ryos ẍchiwutz yi eꞌ mas katanum. 3 Nintzun wal scyetz: “Quil tzijakwokeꞌn yi eꞌchk sawan, jalen cuꞌn yil makꞌtij kꞌej. Nin cyakil cweꞌn kꞌej tajweꞌn tan jopleꞌn, nin tan tocseꞌn eꞌchk quiwel wutz coc.” Nin nchaꞌtz wal scyetz: “Tajweꞌn tan itilol yi ko ateꞌ qꞌuicyꞌlom stziꞌak eꞌchk sawanaꞌtz.”Nchaꞌtz eꞌ bixeꞌ aj ront waꞌn tan qꞌuicyꞌleꞌn yi tnum. Nin wal scyetz yi eꞌaꞌtz yi naꞌ chaꞌteꞌt tan qꞌuicyꞌlomiꞌn. At eꞌ nchixcon tan qꞌuicyꞌleꞌn yi tnum, nin at eꞌ yi choꞌn eꞌ cyajeꞌn cyen tan qꞌuicyꞌlomiꞌn swutzak chicaꞌl. 4 Yaꞌstzun wulejtz, na chin wutzileꞌn nin yi amaꞌl yi majij tan yi tnum, poro quiꞌc mas wunak najlcheꞌ tul, na ntaxk baj bnix junt tir chicaꞌl.
Yi cweꞌn junt tir chibiꞌ yi eꞌ xonl Israel
5 Itzun bantz nintzun takꞌ Ryos jun intxumuꞌn tan chicweꞌn inmolol yi eꞌ wiꞌ banl wiꞌ scyuchꞌ cyakil yi eꞌ mas katanum tan cuꞌseꞌn chibiꞌ tan kilol yi jatnaꞌ kaxoneꞌn. Nchaꞌtz jal yi liwr waꞌn kale tzꞌibaneꞌt chibiꞌ yi eꞌ yi tenẍchan cyunleꞌn.
6 “Je chibiꞌ yi eꞌ xonl Israel yi itzꞌnakeꞌ Judá, nin benakeꞌ ticyꞌleꞌn pres tan Nabucodonosor yi rey cwent yi nación Babilonia. Yi eꞌaꞌtz ja chuꞌl junt tir tan najeweꞌn Jerusalén tu yi eꞌchk mas amaꞌl cwent Judá kale najlcheꞌt tenẍchan.
7 ”Yi chibajxom yi eꞌaꞌtz yi eꞌ ul iꞌtz: Zorobabel, Josué, Nehemías, Azarías, Raamías, Nahamaní, Mardoqueo, Bilsán, Misperet, Bigvai, Nehum tu Baana.
Yi cyajlal yi eꞌ wunak yi xomcheꞌ scyeꞌj
8 ”Yi eꞌ xonl Paros, iꞌtz cob mil tu jun cient tu oxcꞌal tu coblaj chixoneꞌn. (2,172)
9 Ma yi eꞌ xonl Sefatías, ox cient tu oxcꞌal tu coblaj chixoneꞌn. (372)
10 Ma yi eꞌ xonl Ara, kak cient tu niꞌcy tu cob chixoneꞌn. (652)
11 Ma yi eꞌ xonl Pahat-moab yi xonl Josué tu Joab, iꞌtz cob mil tu wajxak cient tu wajxaklaj chixoneꞌn. (2,818)
12 Ma yi eꞌ xonl Elam, iꞌtz jun mil tu cob cient tu niꞌcy tu cyaj chixoneꞌn. (1,254)
13 Ma yi eꞌ xonl Zatu, iꞌtz wajxak cient tu caꞌwunak oꞌ chixoneꞌn. (845)
14 Ma yi eꞌ xonl Zacai, iꞌtz juk cient tu oxcꞌal tu lajuj chixoneꞌn. (770)
15 Ma yi eꞌ xonl Binuy, kak cient tu caꞌwunak wajxak chixoneꞌn. (648)
16 Ma yi eꞌ xonl Babaí, kak cient tu junak wajxak chixoneꞌn. (628)
17 Ma yi eꞌ xonl Azgad, iꞌtz cob mil tu ox cient tu junak cob chixoneꞌn. (2,322)
18 Ma yi eꞌ xonl Adonicam, kak cient tu oxcꞌal tu juklaj chixoneꞌn. (677)
19 Ma yi eꞌ xonl Bigvai, iꞌtz cob mil tu oxcꞌal tu juklaj chixoneꞌn. (2,077)
20 Ma yi eꞌ xonl Adín, iꞌtz kak cient tu niꞌcy tu oꞌ chixoneꞌn. (655)
21 Ma yi eꞌ xonl Ater, yi xonl Ezequías, iꞌtz jun mutxꞌ tu wajxaklaj chixoneꞌn. (98)
22 Ma yi eꞌ xonl Hasum, iꞌtz ox cient tu junak wajxak chixoneꞌn. (328)
23 Ma yi eꞌ xonl Bezai, iꞌtz ox cient tu junak cyaj chixoneꞌn. (324)
24 Ma yi eꞌ xonl Harif, iꞌtz jun cient tu coblaj chixoneꞌn. (112)
25 Ma yi eꞌ xonl Gabaón, jun mutxꞌ tu oꞌlaj chixoneꞌn. (95)
26 Ma yi eꞌ aj Belén tu Netofa, jun cient tu jun mutxꞌ tu wajxak chixoneꞌn. (188)
27 Ma yi eꞌ aj Anatot, iꞌtz jun cient tu junak wajxak chixoneꞌn. (128)
28 Ma yi eꞌ aj Bet-azmavet, caꞌwunak cob chixoneꞌn. (42)
29 Ma yi eꞌ aj Quiart-jearim, Cafira tu Beerot, juk cient tu caꞌwunak ox chixoneꞌn. (743)
30 Ma yi eꞌ aj Ramá tu Geba, kak cient tu junak jun chixoneꞌn. (621)
31 Ma yi eꞌ aj Micmas, iꞌtz jun cient tu junak cob chixoneꞌn. (622)
32 Ma yi eꞌ aj Betel tu Hai, iꞌtz jun cient tu junak ox chixoneꞌn. (123)
33 Ma yi eꞌ aj Nebo, nicyꞌ cient tu cob chixoneꞌn. (52)
34 Ma yi eꞌ xonl yi junt yaj yi na biꞌaj Elam, iꞌtz jun mil tu cob cient tu niꞌcy tu cyaj chixoneꞌn. (1,254)
35 Ma yi eꞌ aj Harim, iꞌtz ox cient tu junak chixoneꞌn. (320)
36 Ma yi eꞌ aj Jericó, ox cient tu caꞌwunak oꞌ chixoneꞌn. (345)
37 Ma yi eꞌ aj Lod tu Hadid nin Ono, juk cient tu junak jun chixoneꞌn. (721)
38 Ma yi eꞌ aj Senaa, ox mil tu beluj cient tu junaklaj chixoneꞌn. (3,930)
39 Ma yi eꞌ paleꞌ yi eꞌ xonl Jedaías, jun scyeri eꞌ xonl Josué, at beluj cient, tu oxcꞌal tu oxlaj chixoneꞌn. (973)
40 Ma yi eꞌ paleꞌ yi eꞌ xonl Imer, jun mil tu nicyꞌ cient tu cob chixoneꞌn. (1,052)
41 Ma yi eꞌ paleꞌ yi eꞌ xonl Pasur, jun mil tu cob cient tu caꞌwunak juk chixoneꞌn. (1,247)
42 Ma yi eꞌ paleꞌ yi eꞌ xonl Harim, jun mil tu juklaj chixoneꞌn. (1,017)
43 ”Ma yi eꞌ xonl Leví yi eꞌ xonl Josué, tu Cadmiel yi eꞌ cuꞌn xonl Hodavías, iꞌtz oxcꞌal tu cyajlaj chixoneꞌn. (74)
44 ”Ma yi eꞌ ajbitz yi eꞌ xonl Asaf, iꞌtz jun cient tu caꞌwunak wajxak chixoneꞌn. (148)
45 ”Ma yi eꞌ qꞌuicyꞌlom sawan, iꞌtz yi eꞌ xonl Salum scyuchꞌ yi eꞌ xonl Ater, scyuchꞌ yi eꞌ xonl Talmón, scyuchꞌ yi eꞌ xonl Acub, scyuchꞌ yi eꞌ xonl Hatita, nin scyuchꞌ yi eꞌ xonl Sobai, jun cient tu junak wajxaklaj chixoneꞌn chicyakil cuꞌn. (138)
46 ”Ma yi eꞌ chakum yi eꞌ xcon xe caꞌl Kataj, iꞌtz yi eꞌ xonl Ziha tu Hasufa, nin Tabaot. 47 Tu yi eꞌ xonl Queros, Siaha tu Padón. 48 Nchaꞌtz yi eꞌ xonl Lebana, Hagaba tu Salmai. 49 Nin eꞌ xonl Hanán, Gidel tu Gahar, 50 Reaía, tu eꞌ xonl Rezín nin Necoda. 51 Yi eꞌ xonl Gazam, Uza nin Peseah. 52 Nchaꞌtz yi eꞌ xonl Behida tu Harsa, 53 tu yi eꞌ xonl Bacbuc, tu Hacufa, tu Harhur. 54 Nin Bazlut, tu Mehída, tu Harsa. 55 Tu yi eꞌ xonl Barcos, scyuchꞌ Sísara tu Tema. 56 Nchaꞌtz yi eꞌ xonl Nezía tu eꞌ xonl Hatifa.
57 ”Ma yi eꞌ chixonl yi eꞌ ẍchakum Salomón, iꞌtz: Yi eꞌ xonl Sotai, tu Soferet, tu Peruda. 58 Nchaꞌtz yi eꞌ xonl Jaala tu Darcón, nin Gidel. 59 Yi eꞌ xonl Sefatías, tu Hatil, tu Pequeret-hazebim, tu yi eꞌ aj Amón. 60 Cyakil yi eꞌaꞌtz yaꞌstzun eꞌ yi eꞌ xcon xe caꞌl Kataj. Iꞌtz ox cient tu jun mutxꞌ tu coblaj chixoneꞌn.
61 ”Ma yi eꞌ yi eꞌ saj Tel-mela, tu Tel-harsa, tu Kerub, tu Adón, nin Imer, quinin lajluchax cyaꞌn yi ko eꞌ mero xonl kamam Israel nka quiꞌ. 62 Eꞌ cuꞌn xonl Delaía tu Tobías, tu Necoda, nin iꞌtz kak cient tu caꞌwunak cob chixoneꞌn. (642) 63 Ma chixonl yi eꞌ paleꞌ Habaía, tu Cos, tu Barzilai. Ja oc yi biꞌaꞌtz tantuꞌ yi mmoꞌc yi meꞌl Barzilai tetz txkel. 64 Ja cheꞌl lajuꞌn ẍchixoꞌl yi eꞌ mas paleꞌ na yi toqueꞌn joyleꞌn chibiꞌ quinin eꞌ jal. 65 Nchaꞌtz yi ntaxk bixeꞌ tan cyeleꞌn ẍchixoꞌl, tal yi gobernador scyetz, yi quiꞌc cuj tan bajeꞌn yi eꞌchk takleꞌn cyaꞌn yi xansaꞌnt, jalen yil tzꞌoc jun paleꞌ tan txꞌiluꞌn teꞌj, tan Urim tu Tumim.b
66 ”Yi cyajlal cyakil yi eꞌ xonl Israelaꞌtz yi eꞌ ul iꞌtz, caꞌwunak cob mil tu ox cient tu oxcꞌal chixoneꞌn. (42,360) 67 Te yi tajlalaꞌtz quinin eꞌ oc yi eꞌ chimos cwent. Yi tajlal yi eꞌ mosaꞌtz, iꞌtz juk mil tu ox cient tu junak juklaj chixoneꞌn. (7,337) Nchaꞌtz at cob cient tu caꞌwunak oꞌ (245) chixoneꞌn yi eꞌ aj bitz yi ateꞌ ẍchixoꞌl yi qui eꞌ oc tajlal. 68 Yi eꞌ xonl Israelaꞌtz, iꞌtz juk cient tu junak waklaj chixoneꞌn. (736) Ej, nin cob cient tu caꞌwunak oꞌ (245) chimulaꞌ, 69 tu cyaj cient tu junak oꞌlaj (435) camey tu kak mil tu juk cient tu junak (6,720) buruꞌ.
70 ”Wiꞌnin ajcaw te yi jujun najal cyakꞌ eꞌchk oy tan banleꞌn yi akꞌun. Takꞌ yi gobernador: juklaj liwr oro, nicyꞌ cient lmak lak, oꞌ cient tu junaklaj beꞌch cyetz paleꞌ. Ej, nin choꞌn tponeꞌn taꞌn tkꞌab yi colol pwok. 71 Nchaꞌtz ban yi cyajcawil yi jujun najal, cyakꞌ oꞌ quintal tu niꞌcy oro, tu junak oꞌ quintal sakal. 72 Ma yi eꞌ mas katanum cyakꞌ ox quintal tu niꞌcy oro, tu junak cob quintal sakal, tu oxcꞌal tu juk beꞌch cyetz paleꞌ.
73 ”Cyakil yi eꞌ xonl Israel scyuchꞌ yi eꞌ paleꞌ, scyuchꞌ yi eꞌ levita yi eꞌ qꞌuicyꞌlom puert, yi eꞌ aj bitz yi eꞌ chakum le templo, choꞌn cyaꞌteꞌn tulak eꞌchk chiꞌamaꞌl,” stzun Nehemías.